ކޯވިޑް19އާ ގުޅިގެން ބަންދުކޮށްފައި އޮތް ހުޅުމާލެ ދެވަނަ ފިޔަވަހީގެ ފަރުކޮޅުފުށި އާއްމު ހަފްލާތަކަށް އަލުން ހުޅުވާލަން ނިންމައިފިއެވެ.
ހައުސިންގ ޑިވެލޮޕްމަންޓް ކޯޕަރޭޝަން، އެޗްޑީސީން ބުނީ ގިނަ ބައެއްގެ އެދުމުގެ މަތިން އަންނަ މަހު އެކަކުން ފެށިގެން ފަރުކޮޅުފުށި އަލުން ހުޅުވާލައި، ހަފްލާތައް ބޭއްވުމަށް އާއްމުންނަށް ދޫކުރަން ފަށާނެކަމަށެވެ.
In mere days, you’ll be able to book the event space in Farukolhufushi!
— HDC (@hdcmaldives) June 26, 2022
From 1st July 2022 onwards, event space will be open to host your most personal and professional events. #MyHulhumalé pic.twitter.com/WxBkbkvWHi
ޕީއެސްއެމް ނިއުސްއަށް މައުލޫމާތުދެއްވަމުން އެޗްޑީސީގެ މީޑިއާ އޮފިޝަލް ވިދާޅުވީ ފަރުކޮޅުފުށީގައި ބާއްވާ ހަފްލާތަކާއި އަގުތަކާއި އުޞޫލުތައް ކުރިއަށްއޮތް ދެތިންދުވަހެއްގެ ތެރޭގައި އާއްމުކުރާނެކަމަށެވެ. އަދި ހަފްލާތައް ބޭއްވުމަށް އެޗްޑީސީގެ ފޯމާއި ފޭސްބުކް މެދުވެރިކޮށް ބުކިން ހެއްދޭނެކަމަށްވެސް އެޗްޑީސީގެ މީޑިއާ އޮފިޝަލް ވިދާޅުވިއެވެ،
2016 ވަނަ އަހަރު ސަރުކާރުން ހުޅުމާލޭ ދެވަނަ ފިޔަވަހި ހިއްކާ ފަރުކޮޅުފުއްޓާއި ގުޅުވާލުމަށްފަހު، އެޗްޑީސީން ވަނީ އެކިއެކި ހަފްލާތައް ބޭއްވުމަށް އާއްމުންނަށް އެތަން ދޫކޮށްފައެވެ. އަދި އާއްމު ހަފްލާތަކަށް ފަރުކޮޅުފުށި ދޫކުރުން މެދުކަނޑާލީ ރާއްޖޭގައި ކޯވިޑް 19ގެ ޙާލަތު ގޯސްވުމުގެ ސަބަބުން ކޮވިޑް އައިސޮލޭޝަން ފެސިލިޓީއެއް އެތަނުގައި ގާއިމްކުރުމަށެވެ.