ރައީސުލްޖުމްހޫރިއްޔާ ޢަބްދުﷲ ޔާމީން ޢަބްދުލްޤައްޔޫމް އައްޑޫ ސިޓީއަށް ވަޑައިގެންފިއެވެ.ރައީސުލްޖުމްހޫރިއްޔާ އައްޑުއަށް ކުރައްވާ މިދަތުރުފުޅުގައި މިނިވަން 50 ފުޓްބޯޅަ މުބާރާތުގެ ފައިނަލް މެޗު ބައްލަވާލެއްވުމަށްފަހު މި މުބާރާތް ނިންމުމުގެ ރަސްމިއްޔާތުގައި ބައިވެރިވެވަޑައިގަތުމަށް ވަނީ ހަމަޖެހިފައެވެ. އަދި މިރޭ އައްޑޫ ސިޓީގެ މުއައްސަސާތަކުގެ އިސްފަރާތްތަކާއި ރައީސުލްޖުމްހޫރިއްޔާ ބައްދަލުކުރެއްވުމަށް ހަމަޖެހިފައިވާކަމަށް ރައީސުލްޖުމްހޫރިއްޔާގެ އޮފީހުން ވިދާޅުވެއެވެ. ރައީސުލްޖުމްހޫރިއްޔާ އައްޑޫއަށް ވަޑައުގަތުމުން ގަން އިންޓަނޭޝަނަލް އެއަރޕޯޓުން އެމަނިކުފާނަށް މަރުޙަބާ ދެންނެވީ އެފް.އޭ.އެމްގެ ފަރާތުން ބައްސާމް އަދީލް ޖަލީލާއި އަޙްމަދު ޝަކީބުގެ އިތުރުން މުޙައްމަދު ޝަވީދެވެ. ރައީސުލްޖުމްހޫރިއްޔާ އައްޑޫއަށް ކުރައްވާ މިދަތުރުފުޅުގައި އައްޑޫގެ އާއްމު ރައްޔިތުންނާއި ސްކޫލްތަކުގެ ދަރިވަރުން ވަނީ ގަން އިންޓަނޭޝަނަލް އެއަރޕޯޓުން ރައީސުލްޖުމްހޫރިއްޔާއަށް ހޫނު މަރުޙަބާއެއް ވަނީ ދަންނަވާފައެވެ.