ސިޔާސީ ޕާޓިތަކަށް ފައިސާދިނުމުގެ އުސޫލަށް އިސްލާހު ހުށައަޅަންދިނީ އަންނަ ހަފްތާގެ އާދިއްތަ ދުވަހާއި ހަމައަށެވެ.
ޕާޓީތަކުގެ ޤާނޫނަށް އިސްލާހުގެނައުމަށް ބޭއްވުނު ބައްދަލުވުމުގައި ސިޔާސީ ޕާޓީގެ ގަވާއިދުގެ 36 ވަނަ މާއްދާގައިވާ ދައުލަތުގެ ބަޖެޓުން ދޭ ފައިސާ ބަހާނެ ގޮތާއިމެދު ޕާޓިތަކާއި މިއަދު ވަނީ މަޝްވަރާކޮށްފައެވެ. މިކަމަށް އިސްލާހު ގެނައުމަށް އިލްކްޝަންސް ކޮމިޝަންއިން މިހާރު ޑްރާފްޓުކުރި ބިލުގައި ފައިސާ ދޭ އުސޫލަށް ބަދަލުގެނައުމަށްވަނީ ނިންމަވައިފައެވެ. އެގޮތުން ޕާޓިތަކުގެ މެންބަރުންގެ އަދަދަށް ފައިސާ ދިނުމަގެ ބަދަލުގައި ޕާޓިތަކަށްލިބޭ ވޯޓުގެ އަދަދަށް ބަލައި ފައިސާދިނުމަށް އިލެކްޝަން ކޮމިޝަނުން މިބިލްގައި ހިމަނައިފާވެއެވެ.
ޕާޓިތަކަށްދެވޭ ފައިސާގެ އުސޫލު އިސްލާހު ކުރަންޖެހޭކަމަށް ޕާޓިތަކުންވެސް ޤަބޫލުކުރެއެވެ. ވޯޓު ލިބޭ މިންވަރަށް ފައިސާ ދިނުމަކީ ގިނަ ޕާޓިތަކަށް އިންސާފުވެރި ގޮތެއްނޫންކަމަށްވެސް ބައެއް ޕާތީތަކުން ބުނެއެވެ.