ބާލައުންސިލްގެ އެގްޒެކެޓިވް ކޮމެޓީގެ ދެވަނަ ދައުރުގެ ރައީސްކަމަށް ކުރީގެ އެސިސްޓެންޓް އެޓާނީ ޖެނެރަލް އިސްމާޢީލް ވިޝާމް، ނައިބު ރައީސްކަމަށް މިޒްނާ އަޙުމަދު އިންތިޚާބުކޮށްފިއެވެ.
ބާލައުންސިލްގެ އިންތިޚާބު ބާއްވާފައި މިވަނީ އެ ކައުންސިލުގެ އެގްޒެކެޓިވް ކޮމެޓީގެ ދައުރު އަންނަ މަހު ހަމަވާތީއެވެ. މި ކޮމިޓީގެ އިންތިޚާބުގައި ރައީސްކަމަށް ވިސާމްގެ އިތުރުން ދެން ވާދަކުރެއްވީ އެ ކައުންސިލްގެ އެގްޒެކެޓިވް ކޮމެޓީގައި މިހާރު ވެސް ހިމެނިވަޑައިގަންނަވާ ޤާނޫނީ ވަކީލް މުހައްމަދު ފައިސަލެވެ.
އެގްޒެކެޓިވް ކޮމިޓީގެ މެންބަރުން ހޮވުމަށް ބާކައުންސިލުން ބޭއްވި އިންތިޚާބުގައި ވޯޓުލުމަށް ޖުމްލަ 765 މެންބަރުން ރަޖިސްޓަރީވެފައިވެއެވެ. ކައުންސިލްގެ ރައީސްކަަމަށް ވިޝާމް އިންތިޚާބުވެފައިވަނީ 270 ވޯޓު ލިބިގެންނެވެ. 281 ވޯޓު ލިބިގެންން ނައިބް ރައީސް ކަމުގެ މަޤާމަށް އިންތިޚާބުވީ މިޒްނާ އަޙްމަދެވެ. މިމަޤާމަށް ކުރިމަތިލާފައި ވަނީވެސް މިޒްނާ އެކަންޏެވެ.
އެގްޒެކެޓިވް ކޮމެޓީއަށް އިންތިޚާބުކުރާ ހަ މަޤާމަކަށް ޖުމްލަ ފަސް ބޭފުޅުން ކުރިމަތިލީއިރު އެ މަގާމަށް ހޮވުނީ 3 ބޭފުޅުންނެވެ. އެބޭފުޅުންނަކީ އެ ކޮމެޓީގައި މިހާރުވެސް ހިމެނިވަޑައިގަންނަވާ ކުރީގެ ޕްރޮސެކިއުޓާ ޖެނެރަލް އަޙްމަދު މުޢިއްޒާއި ޤާނޫނީ ވަކީލް އިބްރާހީމް ޝަމީލައި ސާދިޙު ނަޞީރެވެ.
މި އިންތިޚާބުގައި މި ތިން ބޭފުޅުންގެ އިތުރުން ދެން ވާދަކުރެއްވީ ޢަލީ ސައީދާއި ނަޞްރުﷲ މުސްތަފާއެވެ.
މި އިންތިޚާބުގެ ވޯޓުލުން ކުރިއަށް ގެންގޮސްފައިވަނީ މޯލްޑިވްސް ސެކިއުރިޓީޒް ޑިޕޮސިޓަރީ ކުންފުނީގެ އޮންލައިން ވެބް އެޕްލިކޭޝަން "ފަހިވޯޓު" މެދުވެރިކޮށެވެ.