ޔޫއެންޑަބްލިއުޓީއޯގެ ގްލޯބަލް ސަމިޓުގައި ބައިވެރިވެވަޑައިގަތުމަށް ފަތުރުވެރިކަމުގެ ދާއިރާގެ ތަޖުރިބާކާރެއް ކަމުގައިވާ ޖަފާރު ޖަފާރީ ރާއްޖެއަށް އަތުވެއްޖެއެވެ.
ޖަފާރީއަށް ވެލާނާ އިންޓަރނޭޝަނަލް އެއަރޕޯޓުން މަރުހަބާ ވިދާޅުވީ ޓޫރިޒަމް މިނިސްޓަރ ޑރ.ޢަބްދުﷲ މައުސޫމެވެ. ރާއްޖޭގެ ފަތުރުވެރިކަމަށް 50 އަހަރު ފުރޭ މުނާސަބަތާ ގުޅުވައިގެން ޔޫއެންޑަބްލިއުޓީއޯގެ ގްލޯބަލް ސަމިޓް ބޭއްވުމަށް ހަމަޖެހިފައިވަނީ މިމަހުގެ 14އިން 16އަށެވެ. މި ހަރަކާތުގައި ކުރިއަށްދާ އެންމެ ބޮޑު އެއް ހަރަކާތްކަމަށްވާ ގްލޯބަލް ސަމިޓް އޮންނަނީ މިމަހުގެ 15ވަނަ ދުވަހު ދުވަހުއެވެ.
Renown Tourism expert, Professor Jafar Jafari arrives in #Maldives for the @UNWTO Global Tourism Summit.
— Ministry of Tourism (@MoTmv) June 11, 2022
Minister @Mausoom_Maus & @MoTmv team with @MACLmedia welcomed him at @VelanaAirport. Prof. Jafari will deliver a keynote address at the inaugural session of the Summit. pic.twitter.com/SgZD2WOqmL
މި ސަމިޓު ހުޅުވުމުގެ ރަސްމިއްޔާތުގައި ޖަފާރީ ކީ ނޯޓު ސްޕީޗެއް ދިނުމަށްވަނީ ހަމަޖެހިފައެވެ. ޖަފާރީއަކީ އެމެރިކާގެ ޔުނިވަރސިޓީ އޮފް ވިސްކޮންސިން ސްޓައުޓުގެ ހޮސްޕިޓަލިޓީ އަދި ޓޫރިޒަމްގެ ޕްރޮފެސަރއެކެވެ. ޖަފާރީއަކީ ފަތުރުވެރިކަމުގެ ދާއިރާގެ ތަފާތު ގިނަ ތަޖުރިބާތައް ހުރި ފަރާތެކެވެ. އެގޮތުން ޕްރޮފެސަރެއްގެ ވަޒީފާ އަދާކުރުމުގެ އިތުރަށް އޭނާވަނީ ފަތުރުވެރިކަމާއި ގުޅޭ ތަފާތު އެކި މަޖައްލާތަކާއި ފޮތްތަކުގެ އެޑިޓޯރިއަލް ބޯޑު މަޤާމްތައް ފުރުއްވާފައެވެ.
ޔޫއެންޑަބްލިއުޓީއޯގެ ގްލޯބަލް ސަމިޓްގައި ފަތުރުވެރިކަމުގެ ދާއިރާއާ ގުޅުންހުރި ބޭރުގެ ތަޖުރިބާކާރު ބޭފުޅުންތަކެއް ބައިވެރިވެވަޑައިގަތުމަށް ހަމަޖެހިފައިވެއެވެ. އެގޮތުން ޔޫއެންޑަބްލިއުޓީއޯގެ ސެކްރެޓަރީ ޖެނެރަލްއާއި، ޕާޓާގެ ސީއީއޯގެ މި ސަމިޓުގައި ބައިވެރިވުމަށްވަނީ ހަމަޖެހިފައެވެ.