މަދަނީ އިޖުރާއަތުގެ ޤާނޫނަކީ އިންވެސްޓަރުންގެ އިތުބާރު ދެމެހެއްޓުމުގެ އަސާސްކަމުގައި ވެގެންދާނެކަމަށް އެޓާނީ ޖެނެރަލް އިބްރާހިމް ރިފްއަތު ވިދާޅުވެއްޖެއެވެ.
މިއަދު އެޓާނީ ޖެނެރަލް ރިފްއަތު ކުރެއްވި ޓުވިޓެއްގައި ވަނީ މަދަނީ އިޖުރާއަތުގެ ޤާނޫނަކީ ދިވެހިރާއްޖޭގެ މަދަނީ ޢަދުލުގެ ނިޒާމުގެ އާ ޞަފުހާއެއްކަމަށް ފާހަގަކުރައްވާފައެވެ. އަދި މިޤާނޫނަކީ މަދަނީ މުޢާމަލާތްތަކުގެ ރައްކާތެރިކަމާއި އިންވެސްޓަރުންގެ އިތުބާރު ދެމެހެއްޓުމުގެ އަސާސްކަމުގައި ވެގެންދާނެކަމަށްވެސް އެޓާނީ ޖެނެރަލް ފާހަގަކުރެއްވިއެވެ.
މިމަހުގެ 16ވަނަ ދުވަހު އަމަލުކުރަންފަށާ މަދަނީ އިޖުރާއަތުގެ ޤާނޫނު ރައީސް ތަސްދީގުކުރެއްވީ މިދިޔަ އަހަރުގެ ޑިސެމްބަރު މަހުގައެވެ. މަދަނީ އިޖުރާއަތުގެ ޤާނޫނުގައި ދައުވާކުރުމުގައި މުއްދަތުތަކެއް ކަނޑައެޅި މައްސަލަ ނާކާމިޔާބުވާ ފަރާތުން އަނެއްފަރާތުގެ ޤާނޫނީ ޚަރަދު ދައްކަންޖެހުމުގެ އިތުރުން ހުކުމް ތަންފީޒު ކުރަން މުދާ ހިފެހެއްޓުމާއި މޮނިޓާކުރުންފަދަ ގިނަ ކަންކަން ހިމެނެއެވެ.
ތަފްސީލީ މަދަނީ އިޖުރާއަތުގެ ޤާނޫނަށް ރާއްޖޭގައ އަމަލުކުރާ މިއީ ފުރަތަމަ ފަހަރުކަން ފާހަގަކޮށްލަންޖެހެއެވެ.