ވިލިމާލޭ ދެކުނު ފަރާތުގައި ފައިބަރު މަސައްކަތް ކުރުމަށް ހަރުގެއެއް އަޅަން ނިންމައިފިއެވެ.
މިގޮތަށް ނިންމާފައިވަނީ މާލެސިޓީ ކައުންސިލްގެ 4 ވަނަ ދައުރުގެ 55 ވަނަ ރަސްމީ ޢާއްމު ޖަލްސާގައެވެ.
ތިލަމާލެ ބުރިޖުގެ މަސައްކަތްތަކާގުޅިގެން މިދިޔަމަހު ހުޅަނގު ދެކުނު ސަރަހައްދުގައި ހުރި ފައިބަރު ބޯޓްޔާޑު އިރުމަތީ ފަރާތަށްވަނީ ބަދަލުކޮށްފައެވެ. މިކަމާއިގުޅިގެން ވިލިމާލެ އުތުފަރާތު ގޮޑުދޮށް ހިމާޔަތްކުރުމުގެ ގޮތުން "ސޭވް ދަ ބީޗު"ގެ ނަމުގައި ޢާއްމުން ދިޔައީ އިހުތިޖާޖުކުރަމުންނެވެ. އެގޮތުން އެއްވުންތަކާއި އެނޫންވެސް ޙަރަކާތްތައް ކުރިއަށް ގެންގޮސްފައިވެއެވެ. "ސޭވް ދަ ބީޗު" ޙަރަކާތުން ގޮވާލަމުންދަނީ ވިލިމާލޭގައި ކުރަމުންދާ ފައިބަރުގެ މަސައްކަތް ވަގުތުންވަގުތަށް ހުއްޓާލުމަށާއި އެ ރަށުގެ އަތިރިމަތި ހިމާތްކުރުމަށެވެ. މިއީ މާލެ ސަރަޙައްދުގައި ދިރިއުޅޭ ރައްޔިތުން ބޭނުންކުރަން އޮތް ހަމައެކަނި ޤުދުރަތީ ގޮނޑުދޮށެވެ.
މާލޭ ސިޓީކައުންސިލުން މިހާރު ނިންމަވާފައިވަނީ ފައިބަރުގެ އެއްވެސް އައު މަސައްކަތެއް އުތުރު ފަރާތު މޫދު ސަރަހައްދުގައި ނުފެށްޓޭނެކަމަށާ، މިހާރު ކުރަމުންދާ ހުރިހާ މަސައްކަތެއްވެސް މިމަސް ނިމުމުގެ ކުރިން ނިންމަން ޖެހޭނެކަމަށެވެ. އަދި މިމަހުގެފަހުން އުތުރ ފަރާތުގައި ފައިބަރުގެ އެއްވެސް މަސައްކަތެއްނުކުރެވޭނެކަމަށެވެ.
އުތުރު ފަރާތުގައި މިހާރު ހުރި ބޯޓިޔާޑު އުވާލައި އޮގަސްޓް މަހުގެ އެކަކުން ފެށިގެން ކަނޑައެޅިފައިވާ އުސޫލެއްގެ ދަށުން، ޚާއްސަ ހަރުގެއެއް ވިލިމާލޭގެ ދެކުނު ފަރާތުގަިއ ޤާއިމްކުރާނެކަމަށް މާލެ ސިޓީ ކައުންސިލްގެ މޭޔަރ ޑރ.މުހައްމަދު މުޢިއްޒު ވަނީ ވިދާޅުވެފައެވެ. މިއީ މަސައްކަތްކުރާއިރު ބޭރަށް އޭގެ އަސަރު ނުކުރާނެހެން ބަންދުކުރެވޭގޮތަށް ހަދާ ހަރުގެއެކެވެ.