އެމްޑީޕީގެ ޗެއަރޕާސަންގެ މަޤާމަށް އިންތިހާބުވެވަޑައިގެންނެވި އިކޮނޮމިކް މިނިސްޓަރ ފައްޔާޟް އިސްމާއިލާއެކު އެމްޑީޕީއަށް އިތުރު ކާމިޔާބީތައް ލިބޭނެކަމާމެދު ޝައްކު ނުކުރައްވާކަމަށް ރައްޔިތުންގެ މަޖިލީހުގެ ރައީސް އަދި އެމްޑީޕީގެ ރައީސް، މުހައްމަދު ނަޝީދު ވިދާޅުވެއްޖެއެވެ.
ރައީސް ނަޝީދު މިހެން ވިދާޅުވީ، އެމްޑީޕީގެ ޗެއަރޕާސަންގެ އިންތިހާބު އިކޮނޮމިކް މިނިސްޓަރ ފައްޔާޟް އިސްމާއިލް ކާމިޔާބުކުރެއްވުމާއި ގުޅިގެން އެމަނިކުފާނަށް މަރުހަބާ ވިދާޅުވެ ކުރެއްވި ޓްވީޓެއްގައެވެ.
އެމްޑީޕީގެ ޗެއަރޕާސަންކަމަށް ހޮވިވަޑައިގެންނެވި ފައްޔާޟް އިސްމާއިލަށް މަރުހަބާ ވިދާޅުވެ ރައީސް ނަޝީދު ކުރެއްވި ޓްވީޓުގައި ވިދާޅުވީ ފައްޔާޟްގެ ޗެއަރޕާސަންކަމުގައި އެމްޑީޕީއަށް އިތުރު ކާމިޔާބީތައް ހޯދާނެކަމާމެދު އެމަނިކުފާނުގެ ހިތުގައި ޝައްކެއް ނެތްކަމަށެވެ.
ރައީސް ނަޝީދުގެ ޓްވީޓުގައި ފައްޔާޟްއާ އިންތިހާބުގައި ވާދަކުރެއްވި މާފަންނު އުތުރު ދާއިރާގެ މެމްބަރު އިމްތިޔާޒް ފަހުމީއަށްވެސް ވަނީ މަރުހަބާ ވިދާޅުވެފައެވެ.
Faya ashai Faya ge campaign team ah adhi Inthi ashai Inthi ge campaign team ah varah bodah marhaba. Faya ge chairperson kamuga MDP ah ithuru kaamiyaabee thah hoadhaanekamee alhuganduge hithuga shakku hingaa kameh noon. https://t.co/dsVh4QcAnU
— Mohamed Nasheed (@MohamedNasheed) May 15, 2022
ރައީސް ނަޝީދުގެ ޓްވީޓާއި ގުޅިގެން ފައްޔާޟް ވަނީ އެމަނިކުފާނަށް ޝުކުރު ދަންނަވާފައެވެ. އަދި ރައީސް ނަޝީދުގެ އެހީތެރިކަމާއި އިރުޝާދާއެކު އެމްޑީޕީން ދާނީ ރާއްޖޭގައި ޑިމޮކްރަސީ ކުރިއަރުވައި، ޤައުމު ތަރައްޤީކުރުމައިގެން ކުރިއަށްކަމަށްވެސް ފައްޔާޟް ވިދާޅުވިއެވެ.
Varah bodah Shukurihya @MohamedNasheed . With your guidance and assistance we will definitely move ahead in our quest to entrench democracy and development of our nation. KKBK https://t.co/7NoCCv0vAv
— Fayyaz Ismail (@faya_i) May 15, 2022
ވާދަވެރި އިންތިހާބަކަށްފަހު އެމްޑީޕީގެ ޗެއަރޕާސަން އިންތިހާބުކުރެއްވުމާއި ގުޅިގެން ރާއްޖޭގެ ސިޔާސީ ދާއިރާގައި ހަރަކާތްތެރިވާ ބޭފުޅުންނާއި ދައުލަތުގެ އިސް މަޤާމުތަކުގައި ތިއްބެވި ބޭފުޅުން ގެންދަވަނީ މިނިސްޓަރ ފައްޔާޟަށް މަރުހަބާ ދަންނަވަމުންކަން ފާހަގަކޮށްލެވެއެވެ.