ސަޢުދީ ޢަރަބިއްޔާގެ ރަސްގެފާނު ސަލްމާން ބިން ޢަބްދުލްޢަޒީޒު ހަސްފަތާލުގައި އެނދުމަތިކޮށްފިއެވެ.
ސަޢުދީ ޢަރަބިއްޔާގެ ޝާޙީ ގަނޑުވަރުން ބުނެފައިވަނީ ސަލްމާނު ރަސްގެފާނު އެނދުމަތިކޮށްފައިވަނީ ޖިއްދާގައި ހުންނަ ކިންގު ފައިޞަލް ސުޕެޝަލިސްޓު ހޮސްޕިޓަލުގައިކަމަށެވެ. އަދި އެ ހަސްފަތާލުގައި ޞިއްޙީ ތަޙުލީލުތަކެއް ސަލްމާނު ރަސްގެފާނު ފުރިހަމަކުރައްވާނެކަމަށްވެސް ޝާޙީ ގަނޑުވަރުން ބުނެފައިވެއެވެ. ނަމަވެސް ސަލްމާނު ރަސްގެފާނުގެ ޞިއްޙީ ޙާލުކޮޅާބެހޭ އިތުރު ތަފްޞީލެއް ދީފައެއް ނުވެއެވެ.
ޢުމުރުފުޅުން 86 އަހަރުގެ ސަލްމާނު ރަސްގެފާނުވަނީ 2020ވަނަ އަހަރުގެ ތެރޭގައި ފިތުގެ އޮޕަރޭޝަނެއް ކުރައްވައިފައެވެ. އަދި މިދިޔަ މާރިޗު މަހުގެ ތެރޭގައި ހިތުގެ ޕޭސްމޭކަރުގެ ބެޓަރީ ބަދަލުކުރައްވާފައިވެއެވެ. އެ މަނިކުފާނު ސަޢުދީ ޢަރަބިއްޔާގެ ރަސްކަމަށް ވަޑައިގެންފައިވަނީ 2015ވަނަ އަހަރުގެ ތެރޭގައެވެ.