ކ.މާފުށީ ޖަލަށް ޤަވާއިދާއި ޚިލާފަށް އެއްޗެހިތަކެއް އެތެރެކުރަން އުޅުނުކަމަށް ބެލެވޭ މީހަކުު މޫދުގައި މަރުވެފައި އޮއްވާ ފެނިއްޖެއެވެ.
މަރުވެފައި އޮއްވާ ފެނިފައިވަނީ ޢުމުރުން 33 އަހަރުގެ ދިވެހި ފިރިހެނެކެވެ. ފުލުހުން ބުނީ މާފުށީ ޖަލާ ދިމާ މުދުގައި ރޭ 02:22 ހާއިރު މަރުވެފައި އޮއްވާ މީހަކު ފެނިފައިވާކަމަށެވެ. އޭނާ މޫދުން ނަގައިގެން މާފުށީ ސިއްހީ މަރުކަޒަށް ގެންދިޔައިރުވެސް މަރުވެފައިވާކަމަށް ޑޮކްޓަރާއި ހަވާލާދެއްވާ ފުލުހުން ވިދާޅުވިއެވެ.
މިކަމާއި ގުޅޭގޮތުން ކަރެކްޝަނަލް ސާރވިސްއިން ވިދާޅުިވީ، މޫދުގައި މަރުވެފައި އޮއްވާ ފެނުނީ ޤަވާއިދާ ޚިލާފަށް ޖަލަށް ބައެއް ތަކެތި އެތެރެކުރަން އުޅުނު މީހެއްކަމަށެވެ. އޭނާއަށް އެ ތަކެތި ޖަލަށް އެތެރެކުރެވިފައިނުވާކަމަށާއި، މިހާރު އެ ތަކެތި ފުލުހުންނާއި ހަވާލުކޮށްފައިވާކަމަށްވެސް ކަރެކްޝަނަލް ސާރވިސްއިން ވިދާޅުވެއެވެ.
މި މައްސަލަ އިތުރަށް ތަހްގީގްކުރަމުން އަންނަކަމަށް ފުލުހުން ވިދާޅުވެއެވެ.