މާދަމާއަކީ މިއަހަރު އަންނާނެ އެންމެ ރީތި އެއް ތާރީހެވެ. މިއާއި އެކު މަދާމާ އަކީ މިހާތަނަށް ރާއްޖޭގައި އެންމެ ގިނަ ކައިވެނި އެއްދުވަހެއްގައި ކުރާ ދުވަހަކަށް މިވަނީ ވެފައެވެ.
މާދަމާގެ ތާރީހުގައި 87 މީހަކު ކައިވެނިކުރުމަށް ނިންމާފައިވާކަމަށް ފެމެލީ ކޯޓުން ބުނެއެވެ. މިގޮތުން މާލޭގައި އެކަނިވެސް މާދަމާ 87 ކައިވެއްޏެއް ކުރުމަށްވަނީ ހަމަޖެހިފައެވެ.
މިއަހަރު ދެން އައި އެންމެ ރީތި ތާރީހަކީ މިމަހުގެ 2 ވަނަދުވަހެވެ. 02/02/2022 ވަނަ ދުވަހުވެސް 39 މީހަކު ވަނީ ކައިވެނިކޮށްފައެވެ. މިދިޔަ ޖެނުއަރީމަހުގެ 22/01/2022 ގައިވެސް ރާއްޖޭގައި ވަނީ ރެކޯޑް ޢަދަދަކަށް ކައިވެނިކޮށްފައެވެ. އެދުވަހު އެކަނިވެސް 57 ކައިވެނި ވަނީ ކޮށްފައެވެ.
މާލޭގައި މިހާތަނަށް އެންމެ ގިނަ ކައިވެނި ކޮށްފައިވަނީ 2020 ވަނަ އަހަރުގެ ފެބްރުއަރީ މަހުގެ 20 ވަނަދުވަހުއެވެ. އެދުވަހު ވަނީ 66 ކައިވެންޏެއް ކޮށްފައެވެ.