އިންޑިޔާގެ ގުޖުރާތުގައި އޮންނަ އަޙްމަދުއާބާދުގައި ބޮމުގެ ޙަމަލާތަކެއް ދިނުމުގައި ބައިވެރި މީހުންނަށް މަރުގެ އަދަބު ދިނުމަށް ޙުކުމުކޮށްފިއެވެ.
2008ވަނަ އަހަރުގެ ޖުލައި މަހުގެ 26ވަނަ ދުވަހު އަޙްމަދުއާބާދުގައި ދިން ސިލްސިލާ ބޮމުގެ ޙަމަލާތަކުގައި 56 މީހުން މަރުވެ 200 މީހުން ޒަޚަމުވިއެވެ. އެ ޙަމަލާތަކުގެ ޒިންމާ އުފުލާފައިވަނީ އިންޑިޔަން މުޖާހިދީން ޖަމާޢަތުންނެވެ.
މީގެ 13 އަހަރު ކުރިން ބޮމުގެ ޙަމަލާތަކެއް ދިނުމުގައި ބައިވެރި މީހުންގެ ތެރެއިން 38 މީހުންނަށް ދީފައިވަނީ މަރުގެ އަދަބެވެ. އަދި އިތުތު 11 މީހުންނަށް އެކިވަރުގެ ޖަލު ޙުކުމުވަނީ އިއްވައިފައެވެ. ކުރިޔަށް އޮތް ދުވަސްތަކުގައި އެ މައްސަލަ ހައި ކޯޓުގައި އިސްތިޢުނާފުކުރުމަށްވަނީ ނިންމައިފައެވެ.
2008ވަނަ އަހަރުގެ ތެރޭގައި އަޙްމަދުއާބާދަށް ޙަމަލާ ދިނުމުގެ އެއް ދުވަސްކުރިން ކަރްނާޓަކާގައި އޮންނަ ބެންގަލޫރުގައިވެސް ސިލްސިލާ ބޮމުގެ ޙަމަލާތަކެއް ދީފައިވެއެވެ. އޭގެ އިތުރުން އެ އަހަރުގެ މެއި މަހުގެ ތެރޭގައި ރާޖަސްތާނުގައި އޮންނަ ޖައިޕޫރަށް ވަރުގަދަ ޙަމަލާތަކެއް ދީފައިވެއެވެ. އަދި ހަމަ އެ އަހަރުގެ ނޮވެންބަރު މަހުގެ ތެރޭގައި ހަނގުރާމަވެރި ޖަމާޢަތަކުން މުންބާއީއަށްވެސް ވަރުގަދަ ޙަމަލާތަކެއް ދީފައިވެއެވެ.