ނުކުޅެދުންތެރިކަން ހުންނަ މީހުންގެ ޙައްޤުތައް ޙިމާޔަތްކުރާ ކައުންސިލްގެ އިންތިޚާބު ފަސްކޮށްފި

ނުކުޅެދުންތެރިކަން ހުންނަ މީހުންގެ ޙައްޤުތައް ޙިމާޔަތްކުރާ ކައުންސިލްގެ އިންތިޚާބު ފަސްކޮށްފިއެވެ.

ނުކުޅެދުންތެރިކަން ހުންނަ މީހުންގެ ޙައްޤުތައް ރައްކާތެރިކުރުމާއި މާލީ އެހީތެރިކަން ފޯރުކޮށްދިނުމުގެ ގޮތުން، ނުކުޅެދުންތެރިކަން ހުންނަ މީހުންގެ ޙައްޤުތައް ހިމާޔަތްކުރާ ކައުންސިލަށް މެންބަރުން އައްޔަންކުރުމަށް އިންތިޚާބު ބޭއްވުމަށް ކުރިން ހަމަޖެހިފައި އޮތީ މިމަހުގެ 19 ވަނަ ދުވަހުއެވެ. ނަމަވެސް މިހާރު މިއިންތިޚާބު ބާއްވަން ހަމަޖެހިފައިވަނީ މިމަހުގެ 24 ވާ ބުރާސްފަތި ދުވަހުގެ ހެނދުނު 09:00 އިން 12:00 އަށް ކަމަށް މިނިސްޓްރީ އޮފް ޖެންޑަރ ފެމިލީ އެންޑް ސޯޝަލް ސަރވިސަސްއިން ހާމަކުރައްވައެވެ.

މި ކައުންސިލަށް، ނުކުޅެދުންތެރިކަން ހުންނަ މީހުންގެ ބެލެނިވެރިން ނުވަތަ ބަލަދުވެރިންގެ ތެރެއިން އިންތިޚާބު ކުރާ މެންބަރަކު ހޮވުމަށް ބާއްވާ އިންތިޚާބުގައި ވޯޓު ދިނުމުގެ ޙައްޤު ލިބިފައިވާ މީހުންގެ ރަޖިސްޓްރީ މިމަހުގެ 8 ވަނަ ދުވަހު ޖެންޑަރ މިނިސްޓްރީން އާއްމުކޮށް ޝަކުވާ ހުށަހެޅުމުގެ ފުރުސަތު މިހާރު ވަނީ ހުޅަވާލާފައެވެ. މި ރަޖިސްޓްރީއަށް ޝަކުވާ ހުށަހެޅުމުގެ ފުރުސަތު މިމަހުގެ 10 ވާ ބުރާސްފަތި ދުވަހުގެ މެންދުރުފަހު 02:00 ގެ ނިޔަލަށްވަނީ ހުޅުވާލާފައެވެ. މި ރަޖިސްޓްރީ ދިވެހި ސަރުކާރުގެ ގެޒެޓުގައާއި މިނިސްޓްރީގެ ވެބްސައިޓުގައިވަނީ ޝާއިއުކޮށްފައެވެ.

ޝަކުވާ ބަލައިގަތުމަށް ހަމަޖެހިފައިވަނީ ޝަކުވާ ފޯމުންނެވެ. ޝަކުވާ ފޯމު ޖެންޑަރ މިނިސްޓްރީގެ ވެބްސައިޓުންނާއި ދިވެހ ސަރުކާރުގެ ގެޒެޓުން ލިބެން ހުންނާނެއެވެ. ޝަކުވާ ހުށަހަޅާނީ މިނިސްޓްރީގެ އީމެއިލް އެޑްރެސް [email protected] އަށް ފޯމު ފޮނުވައިގެންނެވެ.