މާލެ ހިޔާ ސަރަޙައްދުގައި ފްލޫ ކްލިނިކް ހިންގި އިމާރާތުގައި އަލިފާން ރޯވެ، ވަރަށް ބޮޑަށް އަނދައިފިއެވެ.
އެމްއެންޑީއެފްއިން ވިދާޅުވީ މާލެ ހިޔާ ފްލެޓް ސަރަހައްދުގައި ފުލޫ ކްލިނިކް ހިންގި އިމާރާތުގައި އަލިފާނުގެ ހާދިސާގެ މަޢުލޫމާތު އެފްއާރުއެސްއަށް ލިބިފައިވަނީ މިއަދު 14:47 ހާއިރުކަމަށެވެ. އަދި އެމްއެންޑީއެފް ފަޔަރ އެންޑް ރެސްކިއު ސަރވިސްއިން ކުރި މަސައްކަތުން 15:08 ހާއިރު އަލިފާން ނިއްވާލާފައިވާކަމަށް އެމްއެންޑީއެފްއިން ވިދާޅުވެއެވެ.
މާލެހިޔާ ފްލެޓް ސަރަހައްދުގައި ފުލޫ ކްލިނިކް ހިންގި އިމާރާތުގައި އަލިފާނުގެ ހާދިސާއެއް ހިނގައިގެން އަލިފާން ނިއްވުމުގެ މަސައްކަތުގައި އެމްއެންޑީއެފް ފަޔަރ އެންޑް ރެސްކިއު ސަރވިސްއިން ހަރަކާތްތެރިވާން ފަށައިފި. ހާދިސާގެ މަޢުލޫމާތު އެފްއާރުއެސްއަށް ލިބިފައިވަނީ މިއަދު 14:47 ހާއިރު.
— Maldives National Defence Force (@MNDF_Official) January 28, 2022
އެމްއެންޑީޢެފްއިން ވިދާޅުވީ މި ހާދިސާގައި އެއްވެސް މީހަކަށް ގެއްލުމެއް ލިބިފައިނުވާކަމަށެވެ. ނަމަވެސް އަލިފާން ރޯވި އިމާރާތް ވަރަށް ބޮޑަށް އަނދާ ހުލިވެފައިވާކަމަށް އެމްއެންޑީއެފްއިން ވިދާޅުވެއެވެ.
މީގެކުރިންވެސް މި އިމާރާތުގައި އަލިފާނުގެ ހާދިސާ ހިނގާފައިވާކަން ފާހަގަކޮށްލެވެއެވެ.