ޤަތަރުގެ ޤައުމީ ދުވަހުގެ މުނާސަބަތުގައި ރައީސުލްޖުމްހޫރިއްޔާ އިބްރާހީމް މުޙައްމަދު ޞާލިޙް ތަހުނިޔާ ފޮނުއްވައިފިއެވެ.
ޤަޠަރުގެ 50 ވަނަ ޤައުމީ ދުވަހުގެ މުނާސަބަތުގައި، ރައީސުލްޖުމްހޫރިއްޔާ ފޮނުއްވި ތަހުނިޔާގެ މެސެޖުގައި ޤަތަރުގެ ޢަމީރު، ޝެއިޚް ތަމީމް ބިން ޙަމަދު އަލް-ޘާނީއަށާއި، އެ ޤައުމުގެ ސަރުކާރާއި، ރައްޔިތުންނަށް ވަނީ ތަޙުނިޔާ ވިދާޅުވެފައެވެ.
ރައީސުލްޖުމްހޫރިއްޔާ ފޮނުއްވި މެސެޖުގައި، ޤަތަރުގެ ރައްޔިތުންނަށް ހަމަޖެހުމާއި އުފާ ފާގަތިކަމާއި ކުރިއެރުން ލިބުމަށްވެސް އެދިވަޑައިގެން ދުޢާކުރައްވާފައިއެވެ.
Warm greetings to His Highness Sheikh @TamimBinHamad Al Thani, the Government and the people of Qatar, on the joyous occasion of the 50th National Day of Qatar. May Almighty Allah strengthen Qatar’s peace and unity and continue to bestow them with good fortune and progress.
— Ibrahim Mohamed Solih (@ibusolih) December 18, 2021
ޤަތަރާއި ދިވެހި ރާއްޖެއާއި ދެމެދުގައި އޮތް ސިޔާސީ ގުޅުން 2017ވަނަ އަހަރު ކަނޑާލި ނަމަވެސް، މިހާރުގެ ސަރުކާރުން ވަނީ އެގުޅުން އިއާދަކޮށްފައެވެ.
ރައީސުލްޖުމްހޫރިއްޔާ އިބްރާހީމް މުޙައްމަދު ޞާލިޙް މިއަހަރުގެ މާޗްމަހުގެ ތެރޭގައި ޤަޠަރަށް ކުރެއްވި ދަތުރުފުޅުގައިވަނީ ދެ ޤައުމުގެ ދެމެދުގައިއޮތް ގުޅުން ދެމެހެއްޓެވުމަށް މަޝްވަރާކުރައްވާފައެވެ.
ރާއްޖެއިން ޤަތަރާއެކު އޮތް ސިޔާސީ ގުޅުން ކަނޑާލާފައި އޮތްނަމަވެސް ދެ ޤައުމުގެ ދެމެދުގައި އޮތް ވިޔަފާރީގެ ގުޅުމަށް އެއްވެސް ބަދަލެއް ގެނެސްފައިނުވެއެވެ.