އަހަރު ނިންމާލުމުގެ ގޮތުން ފިރިހެން އެންމެ މޮޅު ކުޅުންތެރިންގެ މެދުގައި ކުޅޭ އޭ.ޓީ.ޕީ. ފައިނަލްސްގެ ސެމީފައިނަލުން ޖަރުމަނުވިލާތުގެ އެލެގްޒެންޑަރ ޒްވަރޭވް ޖާގަހޯދައިފިއެވެ. އިޓަލީވިލާތުގެ ޓިއުރިން ގައި ކުރިއަށްދާ މި މުބާރާތުގެ ސެމީފައިނަލަށް ޒްވަރޭވް ދަތުރުކުރީ އޭނާ ހިމެނުނު ގްރޫޕްގެ ދެވަނަ ކުޅުންތެރިޔާގެ ގޮތުގައެވެ.
މިގްރޫޕުން ޒްވަރޭވް ދެވަނައަށް ދިޔައީ ޕޯލަންޑްގެ ހުބަރޓް ހަރކާޒް އާއި ބައްދަލުކުރިމެޗް ސީދާ ދެސެޓުން ކާމިޔާބުކޮށްގެން. އެއީ ހައެއް ދެއެއް އަދި ހައެއް ހަތަރަކުންނެވެ. މިމެޗްގައި ޒްވަރޭވްގެ ފަރާތުން މޮޅު ކުޅުމެއް ފެނިގެންދިޔައިރު ހަރކާޒްގެ ފަރަތުން މާއެދެވޭ ކުޅުމެއް ފެނިގެނެއް ނުދިޔައެވެ. ޒްވަރޭވް ހިމެނުނު ގްރޫޕްގެ އެއްވަނަ ކުޅުންތެރިއެއްގެ ގޮތުގައި ސެމީފައިނަލުން ޖާގަހޯދީ މިމުބާރާތުގެ އެންމެ ފަހުގެ ޗެމްޕިއަން ރަޝިޔާގެ ޑަނީލް މެޑްވެޑޭވްއެވެ. ސެމީފައިނަލްގައި ޒްވަރޭވް ބައްދަލުކުރާނީ ދުނިޔޭގައި އެއްވަނައަށް ރޭންކް ކުރެވިފައިވާ ފިރިހެން ޓެނިސް ކުޅުންތެރިޔާ ކަމަށްވާ ސަރބިއާގެ ނޯވަކް ޖޯކޮވިޗާއެވެ. މެޑްވެޑޭވް ސެމީފައިނަލްގައި ބައްދަލުކުރާނެ ކުޅުންތެރިއެއް އެނގޭނީ ރަޝިޔާގެ އަންޑްރޭ ރުބްލޭވް އާއި ނޯވޭގެ ކެސްޕަރ ރުޑް ބައްދަލުކުރާ މެޗަށްފަހުއެވެ.
މިމުބާރާތުގެ ސެމީފައިނަލުން ޖޯކޮވިޗް ޖާގަހޯދީ ރުބްލޭވް އައި ރުޑް އާއި ބައްދަލުކުރި ދެމެޗްވެސް ކާމިޔާބުކޮށްގެންނެވެ. އަދި ފަހު މެޗްގައި އިނގިރޭސިވިލާތުގެ ކެމެރަން ނޯރީ އާއި ބައްދަލުކުރި ނަމަވެސް އެމެޗްގެ ނަތީޖާއިން އޭނަގެ މަގަމަށް ބަދަލެއް ނާންނާނެއެވެ.