އިތިއޮޕިޔާގައި ހިނގަމުންދާ ކުރިމަތިލުންތަކާއި ހަމަނުޖެހުންތައް ވަޤުތުން ހުއްޓާލުމަށް އދގެ ސަލާމަތީ މަޖިލީހުން ފުރަތަމަ ފަހަރަށް ގޮވާލައިފިއެވެ.
ފާއިތުވި ދުވަސްތަކުގައި އިތިއޮޕިޔާގެ ސަރުކާރުގެ ފައުޖުތަކާއި އެ ޤައުމުން ވަކިވެގަތުމަށް މަސައްކަތްކުރާ ޓިގްރައި ޕީޕަލްސް ލިބަރޭޝަން ފުރަންޓު، ޓީޕީއެލްއެފުގެ ފައުޖުތަކާ ދެމެދުވަނީ ވަރުގަދަ ކުރިމަތިލުންތަކެއް ހިނގައިފައެވެ. އަދި އިތިއޮޕިޔާގެ ސަރުކާރުންވަނީ އެ ޤައުމުގައި ކުއްލި ނުރައްކަލުގެ ޙާލަތު އިޢުލާންކޮށް އިދިކޮޅު ހަނގުރާމަވެރިންނާ ދެކޮޅަށް ވަރުގަދަ ޙަމަލާތަކެއް ދޭން ފަށައިފައެވެ.
ފަނަރަ މެންބަރު ޤައުމުގެ މައްޗަށް އެކުލެވޭ ސަލާމަތީ މަޖިޅިހުން ގޮވާލައިފައިވަނީ ހަމަނުޖެހުންތައް ވަޤުތުން ހުއްޓާލައި ޙަމަލާ ބަދަލުކުރުމުގެ އެއްބަސްވުމެއް ޤާއިމުކުރުމަށެވެ. އަދި ހަމަނުޖެހުންތައް އިތުރުވާނެ ކަންކަމުން ދެ ފަރާތުންވެސް ދުރުވުމަށް ސަލާމަތީ މަޖިލީހުންވަނީ ގޮވާލައިފައެވެ.
އދން ބުނެފައިވާ ގޮތުގައި ފާއިތުވި އަހަރުގެ ތެރޭގައި އިތިއޮޕިޔާގެ ފައުޖުތަކާއި ޓީޕީއެލްއެފާ ދެމެދު ބަދަލުކުރި ޙަމަލާތަކުގައި 2.5 މިލިޔަން މީހުންގެ ގެދޮރު ގެއްލި 7 މިލިޔަން މީހުން ޙާލުގައި ޖެހިފައިވާކަމަށެވެ.