ސްޕެނިޝް ލަލީގާގެ އެފްސީ ބާސެލޯނެގެ ކޯޗު ކަމުގެ މަގާމާއި ހަވާލުވާން ޒާވީ ތައްޔާރު ވެފައިވާ ކަމަށް އޭނާ މިހާރު ކޯޗް ކޮށްދޭ އަލް ސާދުން ހާމަކޮށްފިއެވެ. އަލް ސާދުން ބުނީ ޒާވީ ދޫކޮށްލަން އެކްލަބާއި ބާރސާ އާއި ދެމެދު އެއްބަސްވުމަކަށް އާދެވިފައިވާކަމަށެވެ.
ޤަތަރުގެ ކްލަބެއް ކަމަށްވާ އަލް ސާދުން ކުރިން ބުނެފައިވަނީ އެކްލަބުން ޒާވީ ދޫނުކުރާނެކަމަށެވެ. ނަމަވެސް ޒާވީ ވަނީ އޭނާ އެނބުރި ބާރސާއަށް ކޯޗެއްގެ ހައިސިއްޔާތުން ދާން ބޭނުންވާކަމަށް ބުނެފައެވެ. އަލް ސާދުން މިހާރު ބުނެފައިވަނީ ޒާވީގެ ކޮންޓްރެކްޓުގެ ދަށުން ރިލީޒް ކްލޯސްގައި ހިމެނޭ އަދަދު ބާރސާއިން މިހާރު ދައްކާފައިވާކަމަށެވެ. އަލް ސާދުން ވަނީ ޒާވީގެ މުސްތަގްބަލަށް ކާމިޔާބީއަށް އެދޭކަން ހާމަކޮށް ޓްވީޓްވެސް ކޮށްފައެވެ. 2019 ވަނަ އަހަރު ކުޅުން ހުއްޓާލުމަށްފަހު ޒާވީ ވަނީ އަލް ސާދުގެ ކޯޗު ކަމާއި ހަވާލުވެފައެވެ. އަދި މިދިޔަ ސީޒަންގައި އެކުލަބުން ވަނީ ލީގު ތަށިވެސް ކާމިޔާބުކޮށްފައެވެ. އަދި މިހާރު މެޗަކުން ބަލިނުވާތާ 36 މެޗް ވަނީ ހަމަވެފައެވެ.
ޒާވީ ވަނީ ކުޅުންތެރިއެއްގެ ގޮތުގައި ބާރސާއަށް 779 މެޗް ކުޅެދީ 25 ތަށި ކާމިޔާބުކޮށްފައެވެ.