ކުރިއަށްއޮތް ތިން ދުވަހުވެސް ރާއްޖޭގެ މޫސުން ގޯސްވާނެކަމަށް މޫސުމާބެހޭ ޤައުމީ އިދާރާއިން ލަފާކުރައްވާފައިވާތީ މޫސުމަށް ޚާއްސަ ސަމާލުކަމެއް ދިނުމަށް ކޯސްޓް ގާޑުން އިލްތިމާސްކުރައްވައިފިއެވެ.
އެމްއެންޑީއެފުން ނެރުނު ބަޔާނެއްގައިވަނީ މިދުވަސްވަރު ރާއްޖޭގެ ކަނޑުތައް ގަދަވާނެކަމަށް ލަފާކޮށްފައިވާތީ ދަތުރުކުރުމުގެ ކުރިން އުޅަނދުފަހަރުގެ އޮޑިވެރިންނާއި ކެޕްޓަނުންވެސް މޫސުމާ ގުޅޭ އެންމެ ފަހުގެ މަޢުލޫމާތު ހޯދުމަށް އިލްތިމާސްކުރައްވާފައެވެ. އަދި ދަތުރަށް ފުރުމުގެ ކުރިން އަންގަންޖެހޭ ފަރާތްތަކަށް ދަތުރުގެ މަޢުލޫމާތު ދިނުމަށްވެސް ވަނީ އިލްތިމާސްކުރައްވާފައެވެ. ހަމައެއާއެކު އުޅާނދުތަކުގައި ސަލާމަތީ ކަންކަން ހުރީ ފުރިހަމަކޮށްފައިތޯ ޔަގީންކުރުމަށްވެސް ވަނީ އިލްތިމާސްކުރައްވާފައެވެ. އެގޮތުން ލައިފްޖެކެޓާއި މުވާސަލާތީ ނިޒާމާއި އުޅަނދު ދިޔަހިއްކާ ޕަންޕު ފަދަ ތަކެތި ހުރީ ރަނގަޅަށް އަދި ބޭނުންކުރެވޭ ފަދަ ޙާލަތެއްގައިތޯ ޔަގީންކުރުމަށްވެސްވަނީ އެދިވަޑައިގަންނަވާފައެވެ.
މީގެއިތުރުން ސަލާމަތީގޮތުން ރައްކާތެރިކަން ކުޑަ ކުދި އުޅަނދުގައި މިދުވަސްވަރު ދަތުރުނުކުރުމަށްވަނީ އިރުޝާދުދެއްވާފައެވެ. އަދި މުދާ އުފުލާ ބޮޑެތި އުޅަނދުތަކުންވެސް މުދާ ބަރުކުރުމުގައި، އެކަމަށްޓަކާ ހެދިފައިވާ ގަވާއިދުތަކާ އެއްގޮތަށް ޢަމަލުކުރުމަށާއި ލައިސަންލުމުގައި ރަނގަޅަށޤ އައްސާފައި ބެހެއްޓުމަށްވަނީ އިލްތިމާސްކުރައްވާފައެވެ. އަދި ފަޅުތެރެއާއި ފަޅުގެ ބޭރުގައި އަޅާފައި ހުންނަ އުޅަނދުތައް އޭގެ ވެރިފަރާތުން ރަނގަޅަށް ބެލެހެއްޓުމަށްވަނީ އެދިވަޑައިގަންނަވާފައެވެ. އެމްއެންޑީއެފްއިން މިހެން އިލްތިމާސްކުރައްވާފައިރު ބޮޑެތި ކަނޑުއޮޅިތައް ހުރަސްކުރުމުގައި ވޭތުވެ އެކި ގަޑިތަކުގައިވެސް ކަނޑުމަތީގެ ބައެއް ޙާދިސާތައްވަނީ ހިނގާފައެވެ.
ކުރިއަށް އޮތް 3 ދުވަހު މޫސުމަށް ސަމާލުވުމަށް ދަންނަވަން. pic.twitter.com/y5QBpY2AGj
— Maldives Meteorology (@MetMaldives) November 1, 2021
ރާއްޖޭގެ މޫސުން ކުރިއަށް އޮތް ތިން ދުވަހުވެސް ގޯސްވާނެކަމަށް މެޓު އޮފީހުންވަނީ ލަފާކުރައްވާފައެވެ. އެއިދާރާއިން ވިދާޅުވީ ރާއްޖޭގެ އެކި ހިސާބަށް ވިއސާރަކުރާނެކަމަށާއި ބައެއް ސަރަޙައްދުތަކަށް ގުގުރުމާއެކު ބޯކޮށް ވާރޭވެހޭނެކަމަށެވެ. އަދި ވައިޖެހޭނެކަމަށް ލަފާކުރެވެނީ ހުޅަނގާއި ހުޅަނގުއުތުރުން ގަޑިއަކު 07 މޭލާއި 17 މޭލާ ދެމެދުގެ ބާރު މިނުގައި ކަމަށާއި ވިލާގަނޑުގައި ގަޑިއަކު ގާތްގަނޑަކަށް 45 މޭލަށް ވައިގަދަވުން އެކަށީގެންވާކަމަށް މެޓު އޮފީހުން ވިދާޅުވެއެވެ. މުޅި ރާއްޖެއަށް ވިއްސާކުރަމުންދާއިރު މިއަދު މެންދުރުފަހު 2 އިން ފެށިގެން މިރޭ 8 ޖެހުމާހަމައަށް ކ.އަތޮޅުންފެށިގެން އައްޑޫ ސިޓީއާ ހަމައަށްވަނީ ވައިޓް އެލަރޓްނެރެފައެވެ. އެހެންކަމުން ކުރިއަށް މިއޮތް ގަޑިތަކުގައިވެސް މޫސުމަށް ޚާއްސަ ސަމާލުކަމެއް ދެއްވުމަށްވަނީ އެދިވަޑައިގަންނަވާފައެވެ.