އިންސާނީ ކާރިޘާއަކާ ކުރިމަތިވެފައިވާ އަފްޣާނިސްތާނަށް 28 މިލިޔަން ޑޮލަރުގެ އެހީއެއް ޕާކިސްތާނުން ދީފިއެވެ.
އަފްޣާނިސްތާނަށް ކުރެއްވި އެއް ދުވަހުގެ ރަސްމީ ދަތުރުފުޅަށްފަހު ޕާކިސްތާނުގެ ވެރިރަށް އިސްލާމުއާބާދުގައި ނޫސްވެރިންނާ ވާހަކަދައްކަވަމުން އެ ޤައުމުގެ ޚާރިޖީ ވަޒީރު ޝާހް މަޙްމޫދު ޤުރައިޝީ ވިދާޅުވީ އަފްޣާނިސްތާނުގެ އިސްވެރިންނާއެކު ބޭއްވެވި ބައްދަލުވުން ވަރަށް ކާމިޔާބުކަމަށެވެ. އަދި އަފްޣާނިސްތާނުގެ ރައްޔިތުން ތަޙައްމަލުކުރަމުންދާ ދަތި ޙާލަށް ލުޔެއް ގެނެސްދިނުމަށް ޕާކިސްތާނުން ބޭނުންވާކަމަށްވެސް ޤުރައިޝީ ވިދާޅުވިއެވެ.
އަފްޣާނިސްތާނަށް ކުރެއްވި ދަތުރުފުޅަށްފަހު ޤުރައިޝީވަނީ ޕާކިސްތާނުގެ ސިޔާސަތުތަކަށް ގެނެސްފައިވާ ބަދަލުތައް އިޢުލާންކުރައްވައިފައެވެ. އެ ގޮތުން ވީޒާއާއެކު އަފްޣާނިސްތާނުން ޕާކިސްތާނަށް ދަތުރުކުރެވޭނެ ފަސޭހަ ގޮތްތަކެއް އިޢުލާންކުރެއްވުމުގެ އިތުރުން ޤުރައިޝީވަނީ ވީޒާއަށް ދައްކައި ފައިސާގެ ޢަދަދު ޑިސެންބަރު 31ވަނަ ދުވަހުގެ ނިޔަލަށް މަޢާފުކޮށްދީފައެވެ. އޭގެ އިތުރުން ދެ ޕާކިސްތާނުގެ ސަރަޙައްދީ ރޮނގު ހުރަސްކުރުމަށް ދައްކަންޖެހޭ ފައިސާގެ ޢަދަދުވެސްވަނީ އަފްޣާނިސްތާނުގެ ރައްޔިތުންނަށް މަޢާފުކޮށްދީފައެވެ.
އަފްޣާނިސްތާނަށް އެހީތެރިކަން ފޯރުކޮށްދިނުމަށް ބައިނަލްއަޤްވާމީ މުޖުތަމަޢުއަށް އެންމެ ބޮޑަށް ބާރުއަޅަނީ ޕާކިސްތާނުންނެވެ.