އީރާނުގައި ކޯވިޑް-19 ޖެހިގެން ރެކޯޑު ޢަދަދެއްގެ މީހުން މަރުވެއްޖެއެވެ.
ބަލިމަޑުކަމުގެ ފަސްވަނަ ރާޅަކާ ކުރިމަތިލަމުންދާ އީރާނަކީ ކޯވިޑް-19ގެ އަސަރުކޮށްފައިވާ މެދުއިރުމަތީގެ ޤައުމެވެ. ފާއިތުވި 24 ގަޑިއިރުގެ ތެރޭގައި އީރާނުގައި 40,623 މީހުންނަށްވަނީ ބަލިޖެހިފައެވެ. އެއާއެކު އެ ޤައުމުގައި ބަލިޖެހުނު މީހުންގެ ޖުމުލަ ޢަދަދުވަނީ 4.75 މިލިޔަނަށް އިތުރުވެފައެވެ. އޭގެ އިތުރުން ފާއިތުވި 24 ގަޑިއިރުގެ ތެރޭގައި އެ ޤައުމުގައި ބަލިޖެހިގެން 709 މީހުންވަނީ މަރުވެފައެވެ. އެއީ އީރާނުގައި ބަލިޖެހިގެން ދުވާލެއްގެ މައްޗަށް އެންމެ ގިނަ މީހުން މަރުވި ދުވަހެވެ. އެއާއެކު އެ ޤައުމުގައި މަރުވި މީހުންގެ ޢަދަދުވަނީ 103,357އަށް އިތުރުވެފައެވެ.
ކޯވިޑް-19ގެ ޙާލަތު އީރާނުގައި ގޯސްވުމުގެ ސަބަބުން އޮގަސްޓު 27ވަނަ ދުވަހާ ހަމައަށް އެ ޤައުމުގައި އެއްގަމު ދަތުރުފަތުރުކުރުންވަނީ މަނާކޮށްފައެވެ. އިރާނުގެ ޞިއްޙަތާބެހޭ ވުޒާރާއިން ބުނެފައިވަނީ ރައްކާތެރިކަމުގެ ފިޔަވަޅުތަކަށް ޢާންމުން ޢަމަލުނުކުރާނަމަ ބަލިމަޑުކަމުގައި މަރުވާ މީހުންގެ ޢަދަދު ކުރިޔަށް އޮތް ދުވަސްތަކުގައި 800އަށްވުރެ އިތުރުވާނެކަމަށެވެ.
83 މިލިޔަން މީހުންގެ އާބާދީއެއް އޮންނަ އީރާނުގައި ކޯވިޑް-19ގެ ވެކްސިން ފުރިހަމަކޮށްފައިވަނީ 6.5 އިންސައްތަ މީހުންނެވެ.