ފަޔަން ލިބިފައިވާ އަނިޔާއަކާއި ގުޅިގެން ކެނޭޑިއަން އޯޕަން ޓޭނިސް މުބާރާތުން ސްޕެއިންގެ ރަފައެލް ނަދާލް ވަކިވެއްޖެއެވެ.
ނަޑާލްވަނީ ކްލޭ ކޯޓް ސީޒަނަށްފަހު އަރާމު ކުރުމަށްޓަކައި ވިމްބަލްޑަން އާއި އޮލިމްޕިކް ކުޅިވަރު މުބާރާތުގައިވެސް ބައިވެރި ނުވެފައެވެ.
މިމަހުގެ 5 އަދި 6 ވަނަ ދުވަހު ވޮޝިންގޓަންގައި އޭނާ ކުޅެފައިވެއެވެ. ނަމަވެސް އަނެއްކާ ނަޑާލްވަނީ ފަޔަށް ލިބިފައިވާ އަނިޔާ އަކާއި ގުޅިގެން އެނބުރި ސްޕެއިން އާދާކަން ހާމަކޮށްފައެވެ. ނަޑާލް ހާމަކުރިގޮތުގައި އޭނާއަށް މިމައްސަލަ ދިމާވެފައިވާތާ މިހާރު ދެތިން މަސް ވެއްޖެ ކަމަށެވެ.
އޭނާއަށް އެންމެ މުހިންމީ ކުޅޭއިރު ހިތްހަމަ ޖެހުމާއި އެކު ކުޅުން ކަމަށާއި ނަމަވެސް މިހާރު ފަޔަށްވާ ތަދާއެކު އެހިތްހަމަޖެހުން ނެތް ކަމަށެވެ. މިމަހުގެ 30 ގައި ޔޫއެސް އޯޕަން ފެށުމަށް ހަމަޖެހިފައިވާއިރު އެމުބާރާތަށް ފިތްވާނެކަމާމެދުވެސްވަނީ ސުވާލު އުފެދިފައެވެ.
ނަޑާލްގެ މެބަލުގައި ކެނޭޑިއަން އޯޕަންގައި ދެން ވާދަކުރުމުގެ ފުރުސަތު ދިނުމަށް ހަމަޖެހިފައިވަނީ ސްޕެއިންގެ ފެލިސިއާނޯ ލޯޕޭޒްއަށެވެ.