2028 ވަނަ އަހަރު ލޮސް އެންޖަލިސްގައި ބޭއްވުމަށް ހަމަޖެހިފައިވާ އޮލިމްޕިކް ކުޅިވަރު މުބާރާތުގައި ކްރިކެޓް ހިމެނުމަށް އިންޓަރނޭޝަނަލް ކްރިކެޓް ކައުންސިލް، އައިސީސީއިން މަސައްކަތް ފަށައިފިއެވެ. އައިސީސީއިން ހާމަކުރިގޮތުގައި އެކައުންސިލްގެ މިހާރުގެ އެންމެ ބޮޑު މަސައްކަތަކީ 2028 ވަނަ އަހަރުގެ އޮލިމްޕިކްސްގައި ކްރިކެޓް ހިމެނެތޯ މަސައްކަތް ކުރުންކަމަށެވެ.
އައިސީސީގެ މަސައްކަތް ކާމިޔާބު ވެއްޖެނަމަ 128 އަހަރުގެ ދިގު މުއްދަތަކަށްފަހު މިކުޅިވަރު އޮލިމްޕިކްސްގައި އަނެއްކާ ހިމެނިގެންދާ ފަހަރަށެވެ. 1900 ވަނަ އަހަރު ޕެރިހުގައި ބޭއްވި އޮލިމްޕިކް ކުޅިވަރު މުބާރާތުގައި ކްރިކެޓް ހިމެނުނެވެ. މިއަންނަ އަހަރު ބަރމިންގހަމްގައި އޮންނަ ކޮމަންވެލްތު ގޭމްސްގައި އަންހެނުންގެ ކުޅިވަރެއްގެ ގޮތުގައި ކްރިކެޓް ހިމެނުމަށްވަނީ ހަމަޖެހިފައެވެ. އައިސީސީގެ ޗެއާކަން ކުރަމުންދާ ކްރެގް ބަރކްލޭ ހާމަކުރިގޮތުގައި އެކައުންސިލްގެ މިހުށަހެޅުމުގެ ފަހަތުގައި މިކުޅިވަރުައި ހަރަކާތްތެރިވާ ހުރިހާ ފަރާތްތަކެއްވެސް އެއްބައެއްގެ ގޮތުގައި ތިބި ކަމަށެވެ.
އަދި އޮލިމްޕިކްސް އަކީ ކްރިކެޓްގެ ދިގު މުއްދަތުގެ މުސްތަގުބަލަށް ބަލާއިރު ކުޅިވަރުގ އެއްބައިކަމަށެވެ. އޭނާ ހާމަކުރިގޮތުގައި ދުނިޔޭގައި ކްރިކެޓަށް ލޯބިކުރާ އެއް ބިލިއަނަށްވުރެ ގިނަ ސަޕޯޓަރުން އުޅޭ ކަމަށާއި އެހުރިހާ ފަރާތްތަކުންވެސް އޮލިމްޕިކްސްގައި ކްރިކެޓް ހިމެނުމަށް ބޭނުންވާކަމަށެވެ.