އާ ސީޒަނަށް އިތުރަށް ޓީމު ވަރުގަދަކުރުމުގެ ގޮތުން އިންގްލިޝް ޕްރިމިއަރ ލީގުގެ އެސްޓަންވިލާއަށް، ސައުތެމްޓަންއަށް ކުޅޭ ޑެނީ އިންގްސް ސޮއިކޮށްފިއެވެ.
މިއީ އާ ސީޒަނަށް ވިލާއިން ގެނައި ހަތަރު ވަނަ ކުޅުންތެރިޔާއެވެ.
29 އަހަރުގެ އިންގްސް ވިލާއަށް ސޮއިކޮށްފައިވަނީ ތިން އަހަރު ދުވަހުގެ އެއްބަސްވުމެއްގެ ދަށުން 25 މިލިއަން ޕައުންޑަށެވެ. 2018 ވަނަ އަހަރު ސައުތެމްޓަންއަށް ސޮއިކުރި އިންގްސް ވަނީ މހާތަނާށް އެޓީމަށް ކުޅުނު 100 މެޗްގައި 46 ލަނޑު ޖަހާދިނީފައެވެ.
ވިލާގެ ކޯޗް ޑީ ސްމިތު ހާމަކުރިގޮތުގައި އިންގްސް އަކީ ގޯލާއި ރައްޓެހި ފާހަގަކޮށްލެވޭ ފޯވަޑެކެވެ. އަދި އޭނާއަކީ އެހެން ކުޅުންތެރިންނަށް ރަނގަޅު ނަމޫނާއެއް ކަމަށާއި ވިލާގައި އަރަމުން އަންނަ ޒުވާން ކުޅުންތެރިންނަށް އޭނާގެ ކިބައިން ގިނަ ކަންކަން ދަސްކުރެވޭނެކަމަށް އޭނާ ބުންޏެވެ. ސައުތެމްޓަންއާއެކު ހަދާފައިވާ އެއްބަސްވުން ހަމަވާން އެއް އަހަރު އޮއްވާ މިއަހަރުގެ ޖުލައިމަހު އިންގްސް ވަނީ އިތުރު ހަތަރު އަހަރު ދުވަހު އެކްލަބްގައި މަޑު ކުރުމަށް ހުށަހެޅި ހުށަހެޅުން ގަބޫލް ނުކޮށް ދޫކޮށްލާފައެވެ. އެހުށަހެޅުން ގަބޫލްކުރިނަމަ އިންގްސް ވެގެން ދާނީ ސައުތެމްޓަންގެ އެންމެ މުސާރަ ބޮޑު ކުޅުންތެރިޔާއަށެވެ. ނަމަވެސް އޭގެ ބަދަލުގައި އިންގްސް ބޭނުންވީ އެހެން ކަމެއް ތަޖްރިބާ ކޮށްލާށެވެ.
ސައިޓެމްޓަންގެ ކޯޗް ރަލްފް ހަސެންހުޓްލް ހާމަކުރިގޮތުގައި އިންގްސްގެ ޓްރާންސްފަރއިން ލިބުނު ފައިސާއިން ޓީމް އިތުރަށް ވަރުގަދަ ކުރުމަށް ބޭނުން ކުރެވޭނެކަމަށެވެ. އަދި އިންގްސްގެ ބަދަލުގައި އެޓީމަށް ލަނޑު ޖަހާނެ އެހެން ކުޅުންތެރިއެއް ހޯޑޭނެ ކަމަށް އޭނާ ހާމަކުރިއެވެ. ވިލާއިން އާސީޒަނަށް ދެން ގެނައި ކުޅުންތެރިންނަކީ ލިއޮން ބެއިލީ، އެމިލިއާނޯ ބުއެންޑިއާ އަދި އޭށްލީ ޔަންގްއެވެ. ނަމަވެސް ޓީމްގެ އެންމެ މުހިންމު ކުޅުންތެރިޔާ ޖެކް ގްރީލިޝް ޓީމް ދޫކޮށް ދާނެކަން މިހާރުވަނީ ގާތްގަޑަކަށް ޔަގީންވެފައެވެ.