އިންޓަރ ޕާލިމެންޓްރީ ޔޫނިއަންގެ (އައިޕީޔޫ)ގެ ޑިމޮކްރަސީ އެންޑް ހިއުމަން ރައިޓްސް ކޮމެޓީގެ މެމްބަރުކަމަށް ރައްޔިތުން މަޖިލީހުގެ ހިންނަވަރު ދާއިރާގެ މެމްބަރު ޖީހާން މަހްމޫދު ހޮވިވަޑައިގެންފިއެވެ. މީ މިކޮމެޓީގެ މެމްބަރުކަމަށް ރާއްޖޭގެ މެމްބަރަކު ހޮވިވަޑައިގެންނެވި ފުރަތަމަ ފަހަރެވެ.
ޤާނުނު ހަދާ މަޖިލިސްތައް ތަމްސީލު ކުރާ ދުނިޔޭގެ ޖަމުއިއްޔާ (އައިޕީޔޫ)ގެ ޑިމޮކްރަސީ އެންޑް ހިއުމަން ރައިޓްސް ކޮމެޓީއަކީ އެ ޖަމުއިއްޔާގެ ދާއިމީ ކޮމެޓީތަކުގެ ތެރެއިން މުޙިއްމު އެއް ކޮމެޓީއެވެ. އެ ކޮމެޓީއަކީ ޑިމޮކްރެސީއާއި ހިއުމަން ރައިޓްސް ކުރިއެރުވުމުގެ މަސައްކަތްކުރުމަށް އައިޕީޔޫގައި އެކުލަވާލާފައިވާ ކޮމެޓީއެވެ.
ޑިމޮކްރެސީއާއި ހިއުމަން ރައިޓްސް އަށް ހުރި ގޮންޖެހުންތަައް އެ ކޮމެޓީން ދެނެގަނެ، ޤައުމީ އަދި ބައިނަލްއަޤުވާމީ ފެންވަރުގައި ޤާނޫނު ހަދާ މަޖިލިސްތަކުން ކުރަންޖެހޭ ކަންތައްތަކުގެ ގޮތުގައި ހުށަހެޅުމުން، މުޅި އައިޕީޔޫގެ މެމްބަރުންގެ މެދުގައި ޤަރާރުތަކެއްގެ ގޮތުގައި އެކަންކަން ފާސްކުރެއެވެ.
Hon. MP @JeehanJMS Chairperson of the Parliamentary Committee on Human Rights and Gender elected to @IPUparliament Committee on Democracy and Human Rights.
— People's Majlis (@mvpeoplesmajlis) July 10, 2021
Hon. Speaker President @MohamedNasheed congratulated her and thanked all the countries who voted for her. pic.twitter.com/X5q1yppO8K
ރާއްޖޭގެ ރައްޔިތުން މަޖިލީހުގެ ހިއުމަން ރައިޓްސް ކޮމެޓީގެ މުޤައްރިރުކަންވެސް ކުރައްވާ ޖީހާން މަހްމޫދު އައިޕީޔޫގެ މަޤާމަށް ހޮވިވަޑައިގަތުމުން އެކަމަށް މަޖިލީހުން ވަނީ މަރުހާބާ ކިޔާފައެވެ. އަދި ޖީހާނަށް ވޯޓްދެއްވި ހުރިހާ ޤައުމަކަށް މަޖިލީހުންވަނީ ޝުކުރު އަދާކޮށްފައެވެ.
ޖިހާން އައިޕީޔޫގެ މަޤާމަށް ހޮވިވަޑައިގަތުމުން އެކަން ފާހަގަކުރައްވާ ފޮރިން މިނިސްޓަރ އަބްދުﷲ ޝާހިދުވެސްވަނީ މަރުހަބާ ފޮނުއްވާފައެވެ. ޝާހިދު ވިދާޅުވީ ރާއްޖޭގެ މަޖިލިސް މެމްބަރުން މިފަދަ މަޤާމުތަކުން ފެނިގެންދިއުމަކީ އުފާކުރައްވާކަމެއްކަމަށެވެ. އަދި ހާއްސަކޮށް މިފަދަ އިސްރޯލްތަކުން އަންހެން މެމްބަރުން ފެނިވަޑައިގަތުމުން އެކަމާއި ފަހްރުވެރިވެޑައިގަންނަވާކަމަށްވެސް މިނިސްޓަރ ޝާހިދު ވިދާޅުވިއެވެ.
Congratulations to Chairperson of Parliamentary Committee on Human Rights &Gender at @mvpeoplesmajlis, Honourable MP @JeehanJMS for being elected to @IPUparliament Committee on Democracy & Human Rights.
— Abdulla Shahid (@abdulla_shahid) July 10, 2021
We are proud of the leading roles our MPs - especially our women MPs - play! pic.twitter.com/RIp2lbijUQ
ދުނިޔޭގެ ޤާނޫނު ހަދާ މަޖިލިސްތައް ހިމެނޭ އައިޕީޔޫގައި 150 ވުރެ ގިނަ ޤައުމުގެ މަޖިލިސްތައް ތަމްސީލުކުރެއެވެ.
ރާއްޖެއިން ބައިނަލް އަޤްވާމީ ޖަމިއްޔާތަކާއި ގުޅުން ބަދަހިކޮށް އެފަދަ ޖަމިއްޔާތަކުގައި ރާއްޖޭއިން އަދާކުރާ ރޯލު އަންނަނީ ފުޅާކޮށް ބޮޑުކުރަމުންނެވެ. މިގޮތުން އެކި ޤައުމުތަކުން އިނގިރޭސިވިލާތަށް އައްޔަންކޮށްފައިވާ އަންހެން ޑިޕްލޮމެޓުންގެ ޖަމުއިއްޔާގެ ރައީސާކަމަށް އެ ޤައުމުގައި ހުންނަވާ ދުވެހި ސަފީރު ޑރ ފަރްހަނާޒް ފައިސަލް ވަނީ ހޮވިވަޑައިގެންފައެވެ.
މީގެއިތުރުން އދގެ އާއްމު މަޖލީހުގެ ރައީސްކަންވެސް ފުރަތަމަ ފަހަރަށް ރާއްޖެއަށް މިވަނީ ލިބިފައެވެ. އަންނަ ސެޕްޓެމްބަރުމަހު ފަށާ އައު ދައުރުގެ ރައީސްކަމަށް އިންތިހާބުކޮށްފައިވަނީ ފޮރިން މިނިސްޓަރ އަބްދުﷲ ޝާހިދުއެވެ. އެމަނިކުފާނު މި މަޤާމަށް ހޮވިވަޑައިގަތީ ވޯޓްގައި ބައިވެރިވި 191 ޤައުމުތަކުގެ ތެރެއިން 143 ޤައުމުގެ ތާއިދާއެކުއެވެ.