ކޯވިޑް ބަލީގައި އިތުރު ދިއްވެއްސަކު ނިޔާވެ، މިބަލީގައި މިހާތަނަށް ނިޔާވި މީހުންގެ އަދަދު 157 އަށް އަރައިފިއެވެ.
ހެލްތު ޕްރޮޓެކްޝަން އެޖެންސީ (އެޗްޕީއޭ)އިން ވިދާޅުވީ މިއަދު ހެނދު 5:35 ހާއިރު ދަރުމަވަންތަ ހޮސްޕިޓަލުގައި ފަރުވާދެމުންދިޔަ އުމުރުން 86 އަހަރުގެ ފިރިހެނެއް ނިޔާވެފައިވާކަމަށެވެ. މިއީ ރާއްޖެއިން ކޯވިޑް ޖެހިގެން ނިޔާވި 157 ވަނަ މީހާއެވެ. މިބަލީގައި މިމަހު ނިޔާވި މީހުންގެ އަދަދު ވަނީ 85 އަށް އަރާފައެވެ.
Early morning at 05:35 am an 86-year-old Maldivian male admitted at DH11 has passed away
— Health Protection Agency (@HPA_MV) May 29, 2021
This is the 157th COVID-19 death in the Maldives
Our thoughts and prayers are with the bereaved family. May Allah grant his soul eternal peace in heaven.
ރާއްޖެއިން ކޯވިޑް ޖެހިގެން މިހާތަނަށް 155 މީހުން ނިޔާވެފައިވާއިރު، މިއަހަރުގެ މިހާތަނަށް 118 މީހަކު މިވަނީ މިބަލީގައި ދުނިޔެ ދޫކޮށްފައެވެ.
ރާއްޖޭގައި ކޯވިޑްގެ ނުރައްކާތެރިކަން އިންތިހާއަށް ބޮޑުވެ، ހަރުކަށި ގިނަ ފިޔަވަޅުތަކެއް ވަނީ އަޅާފައެވެ. އަދި މިހާލަތުގައި ޞިއްހީ މާހިރުންގެ އިރުޝާދުތަކަށް ފުރިހަމައަށް އެއްބާރުލުން ދެއްވުމަށް ކަމާއިބެހޭ ފަރާތްތަކުން ވަނީ ދަންނަވާފައެވެ.