ރައީސް ނަޝީދަށް އަމާޒުކޮށް ދިން ހަމަލާ އދ އާއި ވިލާތުގެ އިއްތިހާދު، އީޔޫއިން ކުށްވެރިކޮށްފިއެވެ.
ރައީސް ނަޝީދަށް އަމާޒުކޮށް ދިން ހަމަލާއާއި ގުޅިގެން އދ ވަނީ އެކަން އެންމެ ހަރުކަށި އިބާރާތުން ކުށްވެރިކޮށްފައެވެ. އަދި ރައީސް ނަޝީދަށް އަވަސް ޝިފާއަކަށް އެދިވަޑައިގެންފައިވެއެވެ. މީގެއިތުރުން ރާއްޖެއަކީ ރައްކާތެރި މުޖްތަމަޢުއެއް ބިނާކުރުމަށް ރާއްޖެއިން ކުރާ މަސައްކަތަށް އެހީތެރިވެދޭނެކަމަށްވެސް އދއިން ބުނެފައިވެއެވެ.
Condemn the violent attack on Speaker of the Parliament, President @MohamedNasheed tonight, and wish him and all injured in the incident a speedy recovery.
— UN in the Maldives (@UNMaldives) May 6, 2021
The UN stands with all Maldivians in efforts to create safer communities. @HaswellUN
ރައީސް ނަޝީދަށް އަމާޒުކޮށް ދިން ހަމަލާއާ ވިލާތުގެއިއްތިހާދު، އީޔޫއިންވެސް ވަނީ ކުށްވެރިކޮށްފައެވެ. އަދި ރައީސް ނަޝީދަށް ދިން ހަމަލާއާ ގުޅިގެން ވަރަށް ބޮޑަށް ކަންބޮޑުވާކަމަށް އީޔޫއިން ބުނެފައިވެއެވެ.
The European Union is providing EUR 3 million to support the Maldives’ #COVID19 response. Funding will go to health and tourism sectors.
— EU to the Maldives (@EU_Maldives) April 9, 2020
In these unprecedented times, the EU-Maldives collaborative approach is needed more than ever – Ambassador Denis Chaibi pic.twitter.com/cgqFjewQ8u
މިރޭ 8:30 ހާއިރު އެއްޗެއް ގޮއްވާލާފައިވަނީ ރައީސް ނަޝީދު ދިރިއުޅުއްވާ ގ.ކެނެރީގެ ހުންނަ ނީލޯފަރުމަގުގައެވެ. އެސަރަޙައްދުގައި އެއްޗެއް ގޮއްވާލީ ރައީސް ނަޝީދު އެސަރަޙައްދުގައި އޮތް ކާރުކޮޅަކަށް އަރައިވަޑައިގަންނަވަނިކޮށެވެ.
މިއީ ރައީސް ނަޝީދަށް އަމާޒުކޮށް ދިން ހަމާލާއެއްކަމަށް ބެލެވޭއިރު، ކުރީގެ ރައީސުން ހިމެނޭގޮތަށް ސިޔާސީ ފަރާތްތަކުން މިހަމަލާ ކުށްވެރިކުރަމުންނެވެ. އަދި ރައީސް ނަޝީދަށް އޭޑީކޭގައި ފަރުވާދެމުންދާއިރު، ރައީސުލްޖުމްހޫރިއްޔާ އިބްރާހިމް މުހައްމަދު ޞާލިހުއާއި ސަރުކާރުގެ އިސްވެރިން ވަނީ އޭޑީކޭއަށް ޒިޔާރަތްކޮށްފަައެވެ.
މިހަމަލާއާ ގުޅިގެން ސަލާމަތީ ޚިދުމަތްތަކުގެ އެލާޓް ލެވަލް ވަނީ މަތިކޮށްފައެވެ. މިގޮތުން އެމްއެންޑީއެފްގެ އެލާޓް ސްޓޭޓަސް މަތިކޮށްފައިވާއިރު، ފުލުހުންގެ އެލާޓް ލެވަލް ވަނީ ލެވަލް 3 އަށް މަތިކޮށްފައެވެ.