އިނގިރޭސިވިލާތުގެ ރާނީ އެލިޒަބެތުގެ ފިރިކަލުން އަދި ޑޫކް އޮފް އެޑިންބަރގު ޕްރިންސް ފިލިޕް އަވަހާރަވެއްޖެއެވެ.
ޝާހީ ގަނޑުވަރު ބަކިންހަމް ޕެލެސުން ނެރުނު ބަޔާނެއްގައި ބުނީ އުމުރުން 99 އަހަރުގެ ޕުރިންސް ފިލިޕު އަވަހާރަވެފައިވާކަމަށެވެ. އެ ބަޔާނުގައި ބުނީ އެމަނިކުފާނު އަވަހާރަވީ މާރިޗު މަހުގެ 9ވަނަ ދުވަހުގެ ހެނދުނުގެ ވަގުތެއްގައި ރާނީގެ ދެކަނބަލުން ދިރިއުޅުއްވާ ވިންޑްސޯ ކާސުލްގައިކަމަށެވެ.
ޞިއްޙީ ހާލުކޮޅު ގޯސްވުމާ ގުޅިގެން މިދިޔަ ފެބްރުއަރީ މަހުގެ 17ވަނަ ދުވަހު ޕުރިންސް ފިލިޕުވަނީ ލަންޑަނުގައި ހުންނަ ކިންގު އެޑްވާޑު ދަ ސެވެންތު ހޮސްޕިޓަލުގައި އެނދުމަތިކޮށްފައެވެ. އަދި ފަރުވާއަށްފަހު މާރިޗު މަހުގެ 1ވަނަ ދުވަހު އޭނާވަނީ ހިތުގެ ބަލިތަކަށް ޚާއްޞަ ހަސްފަތާލެއްކަމަށްވާ ސެއިންޓު ބާތޮލޮމިއުސް ހޮސްޕިޓަލަށް ބަދަލުކޮށްފައެވެ. ހިތުގެ އޮޕަރޭޝަނަކަށްފަހު ހަސްފަތާލުން އޭނާ ގެއަށްވަޑައިގަތީ މާރިޗު މަހުގެ މެދުތެރޭގައެވެ.
ޕުރިންސް ފިލިޕާއި ރާނީ އެލިޒަބަތު ކައިވެނި ބައްލަވައިގަތީ 1947ވަނަ އަހަރުގެ ތެރޭގައެވެ. އެ ދެމަފިރިކަންބަލުންގެ ހަތަރު ބޭފުޅުން ތިއްބަވައެވެ.