އުތުރު ކޮރެޔާއިން ތަހުލީލު ކުރި ދެ ބެލިސްޓިކު މިސައިލު ޖަޕާނުގެ އިޤްތިޞާދީ ސަރަޙައްދަށް ވެއްޓިފައިވާކަމަށް ޖަޕާނުގެ ބޮޑުވަޒީރު ޔޮޝިހިޑެ ސޫގާ ވިދާޅުވެއްޖެއެވެ.
މާރިޗު މަހުގެ 25ވަނަ ދުވަހު ދެ ބަލިސްޓިކު މިސައިލު އުތުރު ކޮރެޔާއިން ތަހުލީލުކޮށްފައިވާކަމަށް ދެކުނު ކޮރެޔާއާއި ޖަޕާނާއި އެމެރިކާއިންވަނީ ބުނެފައެވެ. މިއީ އެމެރިކާގެ ވެރިކަމާ ޖޯ ބައިޑަން ޙަވާލުވެވަޑައިގެންނެވިފަހުން މިސައިލު ތަހުލީލެއް އުތުރު ކޮރެއާއިން ކުރި ފުރަތަމަ ފަހަރެވެ.
އެކަމާ ގުޅޭގޮތުން ވާހަކަ ދައްކަވަމުން ޖަޕާނުގެ ބޮޑުވަޒީރު ސޫގާ ވިދާޅުވީ އުތުރު ކޮރެޔާގެ ޢަމަލުތަކުގެ ސަބަބުން ސަރަޙައްދީ ސަލާމަތާއި ރައްތާކެރިކަމަށް ނުރައްކާވާކަމަށެވެ. އަންނަ މަހުގެ ތެރޭގައި އެމެރިކާގެ ރައީސާ ބައްދަލުކުރައްވާ މިސައިލުތައް ތަހުލީލުކުރުމާއި އުތުރު ކޮރެޔާއާ ގުޅުންހުރި އެހެނިހެން މައްސަލަތަކާ ގުޅޭގޮތުން މަޝްވަރާ ކުރައްވާނެކަމަށް އޭނާ ވިދާޅުވިއެވެ.