ވައިގެ ދަތުރުފަތުރާބެހޭ ބައިނަލްއަޤްވާމީ ޖަމުޢިއްޔާ، އަޔާޓާގެ ގްރައުންޑް އޮޕަރޭޝަންގެ އޮޑިޓުން އެމްއޭސީއެލް ފާސްވެއްޖެއެވެ.
ގްރައުންޑް އޮޕަރޭޝަންގެ ސޭފްޓީ އޮޑިޓުން މޯލްޑިވްސް އެއަރޕޯޓް ކޮމްޕެނީ ލިމިޓެޑް، އެމްއޭސީއެލް ފާސްވުމާއި ގުޅިގެން އަޔާޓާއިން ވަނީ އެކުންފުންޏަށް އިސާގޯ ސެޓްފިކެޓް ހަވާލުކޮށްފައެވެ. މިއީ ވެލާނާ އިންޓަރނޭޝަނަލް އެއަރޕޯޓުގެ ގްރައުންޑް ސަރވިސް ޕްރޮވައިޑަރގެ ހައިސިއްޔަތުން ސެޓްފިކެޓް އެމްއޭސީއެލްއިން ޖެހިޖެހިގެން ހާސިލުކުރި 3 ވަނަ އަހަރެވެ.
Happy to announce that for the 3rd consecutive time, we recieved the @IATA Safety Audit for Ground Operations #ISAGO certification @VelanaAirport. We are proud of Team MACL's work in attaining this important certification. pic.twitter.com/D4BSuLUwIy
— Maldives Airports Company Ltd - MACL (@MACLmedia) January 28, 2021
އިސާގޯ ސެޓްފިކެޓް ދިނުމުގެ ކުރިން އަޔާޓާއިން އެއަރޕޯޓުގައި ދޭ އެކި ޚިދުމަތްތަކާއި ގުޅޭ އޮޑިޓްތައް ކުރިއަށްގެންދެއެވެ. އޭގެތެރޭގައި އޯރގަނައިޒޭޝަން އެންޑް މެނޭޖްމަންޓް، ލޯޑް ކޮންޓްރޯލް، ޕެސެންޖަރ އެންޑް ބެގެޖް ހޭންޑްލިންގ، އެއަރ ކްރާފްޓް ހޭންޑްލިން އެންޑް ލޯޑިންގ، އެއަރ ކްރާފްޓް ގްރައުންޑް މޫވްމަންޓް އަދި ކާގޯ އެންޑް މެއިލް ހޭންޑްލިންގ ހިމެނެއެވެ.
އަޔާޓާގެ އިސާގޯ ސެޓްފިކެޓަކީ ބައިނަލްއަޤްވާމީގޮތުން ބަލައިގެންފައިވާ އުސޫލުތަކަކާއި އެއްގޮތަށް ކުރިއަށްގެންދާ އޮޑިޓްތަކަކަށްފަހު ދޭ ސެޓްފިކެޓެކެވެ.