އާޖެންޓީނާއަށް ބާރުގަދަ ބިންހެލުމެއް އަތުވެއްޖެއެވެ.
އާޖެންޓީނާއަށް އައި ބިންހެލުން އުފެދިފައިވަނީ އެ ޤައުމުގެ ސަން ޚުއަންއާއި 40 ކިލޯ މީޓަރު ދުރުން، ބިމުގެ 10 ކިލޯ މީޓަރު އަޑިންނެވެ. ރެކްޓަރ މިނގަނޑުން 6.8ގެ ބާރުމިނުގައި އައި ބިންހެލުމުގެ ސަބަބުން އެއްވެސް މީހަކު ޒަޚަމްވިކަމަށް މިހާތަނަށް އެނގިފައެއް ނުވެއެވެ.
ބިންހެލުމުގެ މަންޒަރުތައް ދައްކުވައިދޭ ވީޑިއޯތަކުން އިމާރާތްތަކާއި ގެދޮރު ހެލޭ މަންޒަރު ފެނެއެވެ. ބިންގަނޑު ކަނޑައިގެން ދިޔުމުގެ އިތުރުން ފިހާރަތަކުގައި ޖަހާފައިވާ މުދާ ރެކުތަކުން ވެއްޓޭ މަންޒަރުވެސް އެ ވީޑިއޯތަކުން ފެނެއެވެ. އެ ބިންހެލުމަށްފަހު ރެކްޓަރ މިންގަނޑުން 3.5 އަދި 5 އާއި ދެމެދުގެ އިތުރު ފަސް ލޮޅުމެއްވެސް ވަނީ އައިސްފައެވެ. ބިންހެލުމާއި އޭގެ ފަހުން އުފެދުނު ލޮޅުންތަކުގެ ސަބަބުން ސުނާމީއެއް އުފެދިދާނެކަމުގެ އިންޒާރު މިހާތަނަށް ދީފައި ނުވެއެވެ.
މިދިޔަ ހުކުރު ދުވަހުގައި އިންޑޮނޭޝިޔާގެ ސުލާވެސީއަށްވެސް ވަނީ ވާރުގަދަ ބިންހެލުމެއް އައިސްފައެވެ. ރެކްޓަރ މިންގަނޑުން 6.2ގެ ބާރުމިނުގައި އައި އެ ބިންހެލުމުގެ ސަބަބުން މިހާތަނަށް 80 އަށްވުރެ ގިނަ މީހުންވަނީ މަރުވެފައެވެ.