މަސްތުވާތަކެތި ބޭނުންކުރާ މީހުންނަށް ފަރުވާދިނުމުގެ ކަންކަން ކުރިޔަށް ގެންދާ ނޭޝަނަލް ޑްރަގް އެޖެންސީ (އެންޑީއޭ)ގެ ސީއީއޯކަމަށް ބޭފުޅަކު ހަމަޖައްސަވައިފިއެވެ.
އެ މަޤާމަށް އައްޔަންކުރައްވާފައިވަނީ މުހައްމަދު ހަބީބްއެވެ. ހަބީބް ވަނީ އިންޓަރނޭޝަނަލް ކޮލެޖް އޮފް ބިޒްނަސް އެންޑް ޓެކްނޮލިޖީން މާސްޓަރސް ޑިގްރީ ހާސިކުރައްވާފައެވެ.
އެންޑީއޭގެ ސީއީއޯކަމުގެ މަގާމުގައި ކުރިން ހުންނެވީ ހަސަން ޝަހީލެވެ. އެހެންނަމަވެސް އެކި އިންޒާރުދެމުން އަންނަކަމަށް ވިދާޅުވެ ޝަހީލްވަނީ މިިދޔަ އަހަރުގެ ސެޕްޓްމަބަރު މަހު އެ މަޤާމުން އިސްތިއުފާދެއްވާފައެވެ. މިހާތަނަށް އެ އިދާރާ ހިންގަވަމުން ގެންދެވީ ޑިރެކްޓަރ ޖެނެރަލް އަލީ ޝަރީފެވެ.
Heartiest Congratulations to Mr. Mohamed Habeeb on his appointment as the CEO of National Drug Agency. pic.twitter.com/EDw9sbNudd
— National Drug Agency (@NDA_MV) January 18, 2021
އެންޑީއޭގެ ސީއީއޯކަމަށް އައު ބޭފުޅަކު ހަމަޖައްސަވާފައި މިވަނީ މަސްތުވާތަކެތި ބޭނުންކުރާ މީހުންނަށް ފަރުވާދިނުމުގައި ގެންގުޅޭ އުސޫލްތައް ބަދަލުކޮށްދިނުމަށް އެދި ކެމްޕެއިނެއް ފަށާފައިވަނިކޮށެވެ. އަދި އެމީހުންދަނީ އެންޑީއޭ ރިޕޯމްކުރުމަށްވެސް ގޮވާލަމުންނެވެ. ހަބީބް މިމަގާމަށް އައްޔަންކުރެއްވުމަށް އޭނާއަކީ މި މަޤާމަށް ރަނގަޅު ބޭފުޅެއްކަމަށް ގިނަ ބަޔަކު ވަނީ ފާހަގަކޮށްފައެވެ.
މަސްތުވާތަކެއްޗާއި ބެހޭ ގާނޫނުގެ ދަށުން އެންޑީއޭގެ އުފައްދަވާފައިވަނީ މީގެ ނުވަ އަހަރުކުރިންނެވެ.