ގޭސްފުޅު ގޮވި ގޭކައިރީ އެމްއެންޑީއެފްގެ ފަޔަރމަނުން ހަރަކާތްތެރިވަނީ / ފޮޓޯ: ޕީއެސްއެމް
މާލޭގެ ގެއެއްގައި ގޭސްފުޅިއެއް ގޮވައިގެން ސިފައިން ހަރަކާތްތެރިވާން ފަށައިފިއެވެ. އެމްއެންޑީއެފުން ވިދާޅުވީ މި ހާދިސާގައި ދެ މީހަކު ފިހި އެކިވަރުގެ އަނިޔާތައް ލިބިފައިވާކަމަށެވެ.
އެމްއެންޑީއެފުން ވިދާޅުވީ މި ހާދިސާ ހިންގާފައިވަނީ ހ. ތިން ނޫނުގޭގެ 5 ވަނަ ފަންގިފިލާގައިކަމަށެވެ. އަދި މި ހާދިސާގައި ފިހިފައިވަނީ ދިވެހި ދެ ފިރިހެނުންކަމަށާއި އެމީހުނަށް ފަރުވާ ދިނުމަށް މިހާރު އައިޖީއެމްއެޗަށް ގެންގޮސްފައިވާކަމަށެވެ.
އެމްއެންޑީއެފުން ވިދާޅުވީ މި ހާދިސާ ހިނގީ ގޭސްފުޅިއާއި ގުޅާފައި އިން ނަޓެއް ދޫވެގެން ގޭސް ލީކުވެގެންކަމަށެވެ. އަދި މި ހާދިސާ ރިޕޯޓްކޮށްފައިވަނީ ގޭގައި ރޯވި އަލިފާންގަނޑު ނިއްވާލުމަށްފަހު އެ ގޭ މީހުން ހޮސްޕިޓަލަށް ދަމުންކަމަށްވެސް އެމްއެންޑީއެފުން ވިދާޅުވެއެވެ.
ޚިޔާލު ފާޅުކުރުމަށް ކަނޑައެޅިފައިވާ ވަގުތު ހަމަވެއްޖެ، ޝުކުރިއްޔާ