ވޭތުވެދިޔަ 12 މަސް ތެރޭ ޔޫރަޕްގެ ފުޓްބޯޅަ ކްލަބް ތަކުގެ ތެރެއިން އެންމެ ބޮޑު ކުރިއެރުމެއް ހޯދާފައިވަނީ އިޓާލިއަން ސެރީއާގެ އޭސީ މިލާން ކަމަށް ޔޫރޯ ކްލަބް އިންޑެކްސްއިން ހާމަކޮށްފިއެވެ.
އިއްޔެ އާންމު ކުރި ޔޫރޯ ކްލަބް އިންޑެކްސް އިން ހާމަވާގޮތުގައި އިތާލިއަން ސެރީއާގެ ޕޮއިންޓް ތާވަލްގެ އެއްވަނައިގައި މިވަގުތު އޮތް މިލާންވަނީ 47 ވަނައިން 20 ވަނައަށް ކުރިއަށް ޖެހިލާފައެވެ.
ޔޫރޯ ކްލަބް އިންޑެކްސްގެ އެއްވަނައިގާ އޮތީ ޔޫރޯ ޗެމްޕިއަންސް ލީގު އެންމެފަހުން ކާމިޔާބުކޮށްފައިވާ ބުންޑަސްލީގާގެ ބަޔާން މިޔުނިކެވެ. ދެވަނައިގާ އިންގްލިޝް ޕްރިމިއަރ ލީގުގެ މެންޗެސްޓަރ ސިޓީ އޮތް އިރު އެލީގުގެ އެންމެ ފަހުގެ ޗެމްޕިއަން ލިވަޕޫލްއޮތީ ތިންވަނައިގައެވެ. ސްޕެނިޝް ލަލީގާގެ އެފްސީ ބާރސެލޯނާ ހަތަރު ވަނައިގާ އޮތް އިރު ރެއާލް މެޑްރިޑާއި އެތުލެޓިކޯ މެޑްރިޑް އުޅެނީ 5 ވަނަ އަދި 6 ވަނައިގައެވެ. ފަރަންސޭސި ޗެމްޕިއަން ޕެރިސް ސެިންޓް ޖާރމެއިން އަށް 7 ވަނަ ލިބިފައިވާއިރު ބުންޑަސްލީގާގެ އާރްބީ ލިޕްޒިގް އޮތީ އަށްވަނައިގައެވެ. ގަދަ ދިހައެއްގައި ދެން ހިމެނެނީ އިޓަލިއަން ސެރިއާގެ ޗެމްޕިއަން ޔުވެސްޓަސް އާއި އިންގްލިޝް ޕްރިމިއަރ ލީގުގެ މެންޗެސްޓަރ ޔުނައިޓެޑެވެ.
ޔޫރޯ ކްލަބް އިންޑެކްސް ހެދިފައިވަނީ ކޮންމެ ޓީމެއް އަމިއްލަ ޤައުމާއި ޔޫރަޕްގައި ވޭތުވެދިޔަ ހަތަރު އަހަރު ދައްކާފައިވާ ކުޅުމަށް ބަލާފައެވެ.