ކައުބަތުﷲ ގެފުޅުގެ ދޮރުކޮޅު ފަރުމާކުރި މުނީރު ސާރީ އަލް ޖުންދީ ނިޔާވެއްޖެއެވެ. އެނާ ނިޔާވީ ޖަރުމަނުވިލާތުގައެވެ. ނިޔާވިއިރު އުމުރުފުޅަކީ 70 އަހަރެވެ.
މުނީރު ސާރީ އަލް ޖުންދީ ގެފުޅުގެ ދޮރުކޮޅު ފަރުމާކުރީ ސައުދީގައި ރަސްކަންކުރެއްވި ހާލިދު ބިން އަބްދުލް އަޒީޒުގެ ވެރިކަމުގައެވެ. މި ދޮރުގެ މަސައްކަތް ނިންމާ ބަހައްޓާފައިވަނީ ހިޖްރައިން 1399 ވަނަ އަހަރުއެވެ. ކައުބާގެ ދޮރުކޮޅުގެ ތިރީގައިވާ ނަންތަކުގެ ތެރޭގައި މުނީރު ސާރީ އަލް ޖުންދީ ނަންވެސް ވަނީ ހިމަނާފައެވެ.
މުނީރު ފަރުމާކުރެއްވި ދޮރުގެ މަސައްކަތް ނިންމާފައިވަނީ މައްކާގެ އެންމެ މަތީ ފަންތީގައި ހިމެނޭ ޝައިހް މަހްމޫދު ބަދުރުގެ ކާރުހާނާގައެވެ. މ،ި މަސައްކަތް ނިންމާފައިވަނީ ދޮޅު އަހަރު ދުވަހުގެ ތެރޭގައެވެ. ރަން ބޭނުންކޮށްގެން ހަދާފައިވާ މި ދޮރުކޮޅަށް 280 ކިލޯގެ ރަން ބޭނުންކޮށްފައި ވެއެވެ. އަދި މި ދޮރުކޮޅުގެ ޑިޒައިން މަސައްކަތައް އެކަނިވެސް ތިންލައްކައަށް ވުރެ ގިނަ ރިޔާލުވަނީ ހަރަދުކޮށްފައެވެ.
ހާލިދު ބިން އަބްދުލް އަޒީޒު ކައުބާ ދޮރުކޮޅު އަލުން ފަރުމާކޮށް އައު ދޮރުކޮޅެއް ބެހެއްޓުމަށް ނިންމީ އޭގެ ކުރިން ހުރި ދޮރުކޮޅު ބާވެ ބައެއް ތަންތަނުން ހަލާކުވުމުންނެވެ. ކައުބާގެ މައި ދޮރުކޮޅާއި އެކު އެތެރެއިން ކައުބާގެ މައްޗަށް އެރޭނެ ސިޑިއަކާއި އެކު އިތުރު ދޮރެއް ހެދުމަށްވެސް ހާލިދު ބިން އަބްދުލް އަޒީޒު އޭރު ނިންމެވިއެވެ.
އައިޝަތު
އެމަރުހޫމުއަ މަތްﷲސުވަރުގޭގަލަވާށިއެ އާމީން އެބޭފުޅުގެ އާއިލާއަކރތްތެރިކަންދެވާށި