ބާރު ސްޕީޑުގައި ދުއްވާފައި ދިޔަ ކާރެއް ޙަރަމް ސަރަހައްދަށް ވަދެ ޙަރަމްފުޅަށް ވަންނަ ދޮރެއްގައި ޖައްސައިފިއެވެ.
ސައުދީ ގަޑިން ރޭ 10:25 އެހާކަންހާއިރު ހިނގި މިހާދިސާގެ މާބޮޑު ތަފްސީލުތަކެއް އަދި އާއްމުކޮށްފައެއް ނުވެއެވެ. އެހެންނަމަވެސް މި ކާރު ޙަރަމް ސަރަހައްދަށް ވަދެގެންދާ ވީޑިއޯ ވަނީ އާއްމުކޮށްފައެވެ.
ސައުދީގެ ބައެއް މަސްދަރުތަކުން ބުނާ ގޮތުގައި މިކާރު ދުއްވަން އިނީ އެ ޤައުމުގެ ރައްޔިތެކެވެ. އޭނާއާއި އެކު ކާރު ގޮސް ޙަރަމްގެ 89 ވަނަ ދޮރުގައި ޖެހުމުން އެމީހާ ފިލަން މަސައްކަތްކުރިއެވެ. އަދި އޭނާ ހައްޔަރުކުރީ ޙަރަމް ބޮޑުކުރުމަށް މަސައްކަތް ކުރަމުންދާ ސަރަހައްދުންނެވެ.
UPDATE | A Hyundai car, beige colored, collided at Door 89 of Masjid Al Haram at 10:25 pm And the driver was arrested inside the expansion of King Fahad No one was hurt, Alhamdulillah pic.twitter.com/C4TX6cvODs
— Haramain Sharifain (@hsharifain) October 30, 2020
މައްކާގެ ޙަރަމްފުޅުގެ ބޭރުން އޮންނަ ކޮމްޕައުންޑް ސަރަހައްދަކީވެސް ނަމާދުކުރުމަށް ހާއްސަކޮށްފައިވާ ސަރަހައްދެކެވެ. އާއްމުކޮށް މިސްކިތް ފުރުމުން މި ސަރަހައްދު ފުރި އެތައް ހިސާބަކަށް ނަމާދުގެ ޖަމާއަތުގެ ސަފުތައް ދެމިގެން ދެއެވެ.
Graphic: Police arrested the driver who allegedly appears to be in Ihram who breached the courtyard lf the Masjid Al Haram and hit the gate of the Mosque using his car pic.twitter.com/1nL6Hu5KSt
— Haramain Sharifain (@hsharifain) October 30, 2020
މި ސަރަހައްދަކީ އެއްވެސް ބާވަތެއްގެ ވެހިކަލެއް ވަނުން މަނާ ސަރަހައްދަށް ވުމުން މި ކާރަށް އެ ސަރަހަދަށް ވަން ގޮތެއް އަދި ނޭގެއެވެ. މި ހާދިސާގައި އެއްވެސް މީހަކަށް ގެއްލުމެއް ނުވެއެވެ.