މާލެ އަތޮޅުން ފެށިގެން އައްޑޫ އަތޮޅާއި ދެމެދުގެ ރަށްތަކަށް އުދައަރާނެކަމަށް ލަފާކޮށް ވައިޓްއެލާޓް ނެރެފި

މާލެ އަތޮޅުން ފެށިގެން ދެކުނުގެ ރަށްތަކަށް އުދައަރާނެ ކަމަށް ލަފާކޮށް މޫސުމާއި ބެހޭ ޤައުމީ އިދާރައިން ވައިޓްއެލާޓް ނެރެފިއެވެ.

މޫސުމާއި ބެހޭ ޤައުމީ އިދާރާއިން ވައިޓް އެލާޓް ނެރެފައިވަނީ، މިއަދުގެ ހެނދުނު 10:10އިން ފެށިގެން މެންދުރުފަހު. 15:00އަށެވެ. މިގޮތުން މާލެ އަތޮޅުގެ ރަށްތަކާއި މާލެއަތޮޅުން ފެށިގެން ދެކުނުގެ ހުރިހާ ސަރަހައްދަކަށް އުދައިގެ އަސަރުކުރާނެ ކަމަށް ލަފާކުރެވޭކަމުގައި މޫސުމާއި ބެހޭ ޤައުމީ އިދާރާއިން ވަނީ ބުނެފައެވެ.

އަދި މާކަނޑުގައި ބާނިތަކުގެ އުސްމިން 3 ފޫޓާއި 5 ފޫޓާއި ދެމެދުގެ މިންވަރަކަށް އުފުލޭނެކަމުގައިވެސް އެއިދާރާއިން ހާމަކޮށްފައިވެއެވެ.

މިދިޔަ މަހުގައިވެސް ރާއްޖޭގެ ބޮޑު ސަރަހައްދަކަށް އުދަ އެރުމުގެ ސަބަބުން ބައެއް ރަށްރަށުގައި ގޯތި ގެދޮރަށާއި ދަނޑުބިންތަކަށް ވަނީ ގެެއްލުންތައް ލިބިފައެވެ.