ސަރުކާރު ހިއްސާވާ ކުންފުނިތަކުގެ ތެރެއިން އެކްޓިންގ މެނޭޖިންގ ޑިރެކްޓަރެއް ހުރީ ސަރުކާރުގެ އެންމެ ކުންފުންޏެއްގައިކަމަށް ފިނޭންސް މިނިސްޓްރީގެ މަޢުލޫމާތުތަކުން ހާމަވެއްޖެއެވެ.
ފިނޭންސް މިނިސްޓްރީގެ ވެބްސައިޓުގައި އާއްމުކޮށްފައިވާ މަޢުލޫމާތުތަކަށް ބަލާއިރު ސަރުކާރު ހިއްސާވާ 32 ކުންފުންޏެއް އެބައޮތެވެ. އެކުންފުނިތަކުގެ ތެރޭގައި ސަރުކާރުގެ 100 އިންސައްތަ ހިއްސާ އޮންނަ ކުންފުނިތަކާއި ސަރުކާރުގެ މެޖޯރިޓީ ހިއްސާ އޮންނަ ކުންފުނިތައް ހިމެނެއެވެ.
ފިނޭންސް މިނިސްޓްރީގެ ވެބްސައިޓުގައިވާ މަޢުލޫމާތުތަކުގައިވާ ގޮތުން އެކްޓިންގ މެނޭޖިންގ ޑިރެކްޓަރެއް ހުރީ ހަމައެކަނި ހައުސިންގ ޑިވެލޮޕްމަންޓް ފައިނޭންސް ކޯޕަރޭޝަން، އެޗްޑީއެފްސީގައެވެ. އެކުންފުނީގެ އެކްޓިންގ މެނޭޖިންގ ޑިރެކްޓަރަކަށް
ހުރީ ރަހީމާ ސަލީމްއެވެ.
ގެދޮރު ބިނާކުރުމަށް ލޯނުދޭން އުފައްދާފައިވާ ސަރުކާރުގެ މެޖޯރިޓީ ހިއްސާ އޮންނަ އެޗްޑީއެފްސީގެ ޑިރެކްޓަރުންގެ ބޯޑުގައި ރަހީމާއާއެކު ސަރުކާރު ތަމްސީލްކުރާ 5 ޑިރެކްޓަރުން ތިއްބަވާއިރު، އޭގެތެރެއިން ގިނަ ޑިރެކްޓަރުން އައްޔަންކޮށްފައިވަނީ ކުރީ ސަރުކާރުގައެވެ.