ޖިންސީ ފުރައްސާރައިގެ ތުހުމަތުތަކާ ގުޅިގެން ފިޝަރީޒް މިނިސްޓްރީގެ ކޮމިއުނިކޭޝަން ޑިރެކްޓަރ އަޙުމަދު ފަޒީލް މަޤާމުުން ސަސްޕެންޑްކޮށްފިއެވެ.
ރައީސުލްޖުމްހޫރިއްޔާ ތަރުޖަމާނު އިބްރާހިމް ހޫދު ވިދާޅުވީ، ފިޝަރީޒް މިނިސްޓްރީގެ ޑިރެކްޓަރ ކޮމިއުނިކޭޝަންސްގެ މަޤާމުގައި ހުންނެވި އަޙުމަދު ފަޒީލަށް ޖިންސީ ފުރައްސާރައިގެ ސީރިއަސް ތުޙުމަތުތަކާ ގުޅިހެން އޭނާ މަޤާމުން ސަސްޕެންޑްކޮށްފައިވާކަމަށެވެ. އަދި އޭނާގެ މައްޗަށް ތުހުމަތުކުރެވޭ މައްސަލައިގެ ތަހުޤީޤް މިހާރު ކުރިއަށްދާކަމަށްވެސް ހޫދު ވިދާޅުވިއެވެ.
ޖިންސީ ފުރައްސާރައިގެ މައްސަލައިގައި ފަޒީލްއަކީ މަޤާމުން ސަސްޕެންޑްކޮށްފައިވާއިރު، އެމައްސަލަ ބަލައިނިމެންދެން އޭނާ މަސައްކަތުން އެކަހެރިކޮށްދިނުމަށް އޭނާ ނިސްބަތްވާ މޯލްޑިވްސް ރީފޯމް މޫވްމަންޓް. އެމް..އާރު.އެމްއިންވެސް ވަނީ ރައީސުލްޖުމްހޫރިއްޔާއަށް ދަންނަވާފައެވެ.
އެމްއާރުއެމުން ބުނީ އެޕާޓީގެ މަޤާމެއްގައި ހުރި މީހަކާމެދު ޖިންސީ ފުރައްސާރައާއި އަނިޔާގެ ތުހުމަތުތަކެއް ސޯޝަލް މީޑިއާގައި ކުރެވެމުންދާތީ އެމައްސަލަ އެޕާޓީންވެސް މިހާރު ބަލަމުންދާކަމަށެވެ. އެމައްސަލަ ބަލާ ނިމެންދެން ޕާޓީގެ ހަރަކާތްތަކުންވެސް އޭނާ އެކަހެރި ކުރެވިފައިވާކަމަށް އެމްއާރުއެމްއިން ބުނެއެވެ.