ތިލަފުށީ ކައިރީ ދޯންޏެއް ބަންޑުން ޖަހާލި ސަރަހައްދުގައި އެމްއެންޑީއެފުން ހަރަކާތްތެރިވަނީ--
ފޮޓޯ:އެމްއެންޑީއެފް
މޫސުން ގޯސްވެ ބަންޑުން ޖަހާލި ދޯންޏެއްގައި ތިބި ތިން މީހުން ސަލާމަތްކޮށްފިއެވެ.
މާލެއިން ފުރައިގެން ތިލަފުއްޓަށް ދަތުރުކުރި "ސެކުއޯ ބޭގް" ދޯނި ބަންޑުން ޖަހާލީ، ކަނޑު ގަދަވެ ދޯނި އެއްފަރާތުން އަރިއަޅާލައިގެންކަމަށް އެމްއެންޑީއެފުން ވަނީ ވިދާޅުވެފައެވެ.
އެމްއެންޑީއެފް ކޯސްޓްގާޑުން ދޯނި ބަންޑުން ޖަހާލި ސަރަހައްދުގައި ހަރަކާތްތެރިވަނީ --- ފޮޓޯ: އެމްއެންޑީއެފް
ދޯނި ބަންޑުން ޖަހާލިއިރު ދޯނީގައި ތިބި 3 ފަޅުވެރިން "ވިލާ ހަކަތަ"ނަމަކަށްކިޔާ ދޯންޏަކުން ވަނީ ނަގާފައެވެ. ބަންޑުން ޖަހާލި ދޯންޏަކީ މުދާ އުފުލާ ދޯންޏެކެވެ.
މި ޙާދިސާގެ މަޢުލޫމާތު އެމްއެންޑީއެފަށް ލިބުނީ މިއަދު 17:10 ހާއިރުއެވެ. އަދި މިހާރު އެ ސަރަޙައްދަށް އެމްއެންޑީއެފްގެ މާލެ އޭރިއާގެ ކޯސްޓްގާޑު ލޯންޗަކާއި ޑައިވަރުން މިހާރު އެސަރަހައްދުގައި ދަނީ ހަރަކާތްތެރިވަމުންނެވެ.
ޚިޔާލު ފާޅުކުރުމަށް ކަނޑައެޅިފައިވާ ވަގުތު ހަމަވެއްޖެ، ޝުކުރިއްޔާ