ފުލުހުން ހިންގި ޑްރަގް އޮޕަރޭޝަނެއްގެ ތެރެއިން --
ކެނަބިސްކަމަށް ޝައްކުކުރެވޭ ގަހެއް ކ ދިށްފުށިން ފެނިގެން އެ މައްސަލަ ފުލުހުން ބަލަން ފަށައިފިއެވެ، ފުލުހުން ވިދާޅުވީ ކެނަބިސްކަމަށް ބެލެވޭ ގަހެއް ކ ދިށްފުށި ގެއެއްގައި ހުރިކަމަށް އެރަށު ކައުންސިލުން މިއަދު ހެނދުނު ފުލުހުންނަށް ރިޕޯޓްކޮށްފައިވާކަމަށެވެ.
ފުލުހުން ވިދާޅުވީ މި މައްސަލަ އާއި ގުޅިގެން މިއަދު ހަވީރު 16:00 ގައި ކޯޓު އަމުރެއްގެ ދަށުން ތަނެއް ބަލާ ފާސްކޮށްފައިވާކަމަށެވެ. އަދި އެތަނުން ތަހުޤީގަށް ބޭނުންވާ ސާމްޕަލް ނަގާ ތަހުލީލުކުރުމަށް ފޮނުވާފައިވާކަމަށްވެސް ފުލުހުން ވިދާޅުވެއެވެ.
އެހެންނަމަވެސް މި މައްސަލައާއި ބެހޭ އިތުރު ތަފްސީލެއް ފުލުހުން އަދި ހާމަކޮށްފައެއް ނުވެއެވެ.
ޚިޔާލު ފާޅުކުރުމަށް ކަނޑައެޅިފައިވާ ވަގުތު ހަމަވެއްޖެ، ޝުކުރިއްޔާ