އިނގިރޭސިވިލާތުުގެ ބޮޑުވަޒީރު ބޮރިސް ޖޮންސަން ކޯވިޑް-19އަށް ޕޮޒިޓިވް ވެއްޖެއެވެ.
ކޯވިޑް-19އަށް ޕޮޒިޓިވްވެފައިވާކަން ކަށަވަރުކޮށްދެއްވާ ޖޮންސަން ކުރެއްވި ޓުވީޓެއްގައި ވިދާޅުވީ ވޭތުވެދިޔަ 24 ގަޑިއިރުތެރޭ ކޯވިޑް 19 ގެ ވައިރަސްގެ ޢަލާމާތްތަކެއް ފެނުމުގެ ސަބަބުން ޑޮކްޓަރުންގެ އެދުމުގެ މަތިން ވައިރަސް ހުރިތޯ ޓެސްޓްކޮށްފައިވާކަމަށާއި ޓެސްޓްގެ ނަތީޖާ ޕޮޒިޓިވްވެފައިވާކަމަށެވެ.
މިއާއެކު މިހާރު ސެލްފް އައިސޮލޭޝަންގައި ހުންނެވި ކަމަށް ޖޮންސަން ވިދާޅުވިއެވެ. ކޯވިޑް-19އަށް ޕޮޒިޓިވްވެ، ގޭގައި ހުންނެވި ނަމަވެސް އިނގިރޭސިވިލާތް ކޯވިޑް-19އިން ރައްކާތެރިކުރުމަށް ކުރައްވާ މަސައްކަތް ވީޑިއޯ ކޮންފަރެންސް މެދުވެރިކޮށް ވިލަރެސްކުރައްވަމުންދާނެކަމުގެ ޔަޤީންކަން ޖޮންސަންވަނީ ދެއްވާފައެވެ.
ޢުމުރުފުޅުން 55 އަހަރުގެ ޖޮންސަން ވަނީ އިނގިރޭސިވިލާތުން ކޯވިޑް-19އާ ދެކޮޅަށް ކުރަމުންދާ މަސައްކްތަތައް އިތުރަށް ހަރުދަނާކުރާނެކަމަށް ވައުދުވެވަޑައިގެންފައެވެ. ޖޮންސަން ވިދާޅުވީ ގޭގައި ހުންނަވާ މަސައްކަތްކުރައްވާނެ ކަމުގެ ޔަޤީންކަންވެސް ދެއްވާފައެވެ.