އިނގިރޭސިވިލާތުގެ ޕްރިންސް ޗާލްސް ކޯވިޑް-19އަށް ޕޮސިޓިވް ވެއްޖެއެވެ. ޕްރިންސް ޗާލްސް ނުވަތަ ޕްރިންސް އޮފް ވޭލްސް ކޯވިޑް-19އަށް ޕޮސިޓިވްވެފައިވާކަން ކްލެރަންސް ހައުސުން ވަނީ ކަށަވަރުކޮށްދީފައެވެ.
ޢުމުރުފުޅުން 71 އަހަރު ވެފައިވާ ޗާލްސްގެ ޙާލު ރަނގަޅުކަމަށް ކްލެރަންސް ހައުސުން މައުލޫމާތުދެއްވައެވެ. މީގެ އިތުރުން، ޢުމުރުފުޅުން 72އަހަރުގެ ޑަޗަސް އިފް ކޯންވޯލް ކެމިލާވެސް ވަނީ މި ވައިރަހަށް ޕޮސިޓިވްވެފައެވެ. ކްލެރަންސް ހައުސުން ބުނީ ޕްރިންސް ޗާލްސް އަދި ކެމިލާވެސް މިހާރުތިބީ ސްކޮޓްލޭންޑްގެ ބެލްމޯރަލް ކާސަލްގައި ސެލްފް އައިސޮލޭޝަންގައި ކަމަށެވެ. އަދި ޕްރިންސް ޗާލްސް މީގެ ކުރިންވެސް ހުންނެވީ ގޭގައި ކަމަށާއި ގެއިން މަސައްކަތް ކުރައްވަމުންދާކަމަށް ކްލެރަންސް ހައުސުން ބުނެއެވެ.
ދުނިޔޭގައި ހަލުވިކަމާއެކު ކޯވިޑް-19 ފެތުރެމުންދާތީ، މި ހަފުތާގެ ކުރީކޮޅު ކުއީން އެލިޒަބަތް އާއި ޕްރިންސް ފިލިޕްވަނީ ވިންޑްސަރ ކާސަލްއަށް ބަދަލުކުރައްވާފައެވެ.