ފުލުހުންގެ ލޯންޗުގައި ރޯވެ އަނދަނީ/ ފޮޓޯ : ޕޮލިސް މީޑިއާ
ލ.ގަން ތުނޑި ބަނދަރުގައި އަޅާފައި އޮތް ފުލުހުންގެ ލޯންޗެއްގައި ރޯކޮށްލައިފިއެވެ.
ފުލުހުން ވިދާޅުވީ އެ އިދާރާގެ ޕޮލިސް ލޯންޗު 34 ގައި ރޯވެފައިވާކަމުގެ މައުލޫމާތު ރިޕޯޓްކޮށްފައިވަނީ ރޭ ފަތިހު 03:45 އެހާކަންހާއިރު ކަމަށެވެ. އަދި އެ ސަރަހައްދަށް އެމްއެންޑީއެފް ގޮސް ބެލިއިރު ލޯންޗްގެ ވާ ކަނޑާލާފައިވާކަމަށާއި އައި މިކަމަކީ ބަޔަކު ގަސްތުގައި ކުރިކަމެއް މިހާތަނަށް ބެލިބެލުމުން އެނގޭކަމަށްވެސް ފުލުހުން ވިދާޅުވެއެވެ.
ފުލުހުން ވިދާޅުވީ ލޯންޗްގައި ރޯވި އަލިފާނގަޑު ނިންވާލެވުނީ ފަތިހު 5 ޖަހާ އެހާކަންހާއިރު ކަމަށާއި ލޯންޗް ބޭނުން ނުކުރެވޭވަރަށް އަނދާ ފައިވާކަމަށެވެ. މި ހާދިސާގައި އެއްވެސް މީހަކަށް އަދި ފަޅުގައި އޮތް އެހެން އެއްވެސް އުޅަނަދަކަށް ގެއްލުންވެފައިނުވާކަމަށާއި މި މައްސަލަ ތަހުޤީގުކުރަމުން އަންނަކަމަށް ފުލުހުން ވިދާޅުވެއެވެ.
ޚިޔާލު ފާޅުކުރުމަށް ކަނޑައެޅިފައިވާ ވަގުތު ހަމަވެއްޖެ، ޝުކުރިއްޔާ