މާލޭގައި ފެން ހިންދާ ނިޒާމު އަޕްގްރޭޑް ކޮށްދޭނެ ފަރާތެއް ހޯދަން އިޢުލާންކޮށްފިއެވެ.
މާލޭ ވޯޓަރ އެންޑް ސްވަރޭޖް ކޮމްޕެނީ ޕްރައިވެޓް ލިމިޓެޑް، އެމް.ޑަބްލިއު.އެސް.ސީން ބުނީ އެކުންފުނިން ދޭ މައުލޫމާތާއި އެއްގޮތްވާގޮތަށް މާލޭގައި ފެންހިންދާ ނިޒާމު އަޕްގްރޭޑް ކޮށްދޭނެ ފަރާތެއް ހޯދުމަށް ބީލަން ހުށަހެޅުމުގެ ދައުވަތު އެކަމަށް ޝައުގުވެރިވާ ފަރާތްތަކަށް ހުޅުވާލާފައިވާ ކަމަށެވެ.
ބީލަމުގައި ބައިވެރިވެވޭނީ ބީލަމުގައި ބައިވެރިވުމަށް ފައިސާ ދައްކާ ފަރާތްތަކާއި އަދި މިނިސްޓްރީ އޮފް އިކޮނޮމިކް ޑިވޮލޮޕްމަންޓްއިން ވިޔަފާރި ކުރުމުގެ ހުއްދަ ލިބިފައިވާ ފަރާތްތަކަށް އެކަންޏެވެ.
ޕްރީބިޑް މީޓިންގ ބޭއްވުމަށް ހަމަޖެހިފައިވަނީ މިމަހުގެ 27 ވަނަ ދުވަހުއެވެ. އަދި ބިޑް ހުށަހަޅަން ހަމަޖެހިފައިވާ ތާރީޚަކީ އަންނަ މަހުގެ 4 ވަނަ ދުވަހުއެވެ. ބިޑް ސެކިއުރިޓީގެ ގޮތުގައި ބިޑް ހުށައަޅާއިރު 5000 ރުފިޔާގެ ބިޑް ސެކިއުރިޓީ ހުށައަޅަންޖެހޭނެ ކަމަށް އެމް.ޑަބްލިއު.އެސް.ސީން ހާމަކުރެއެވެ.
މާލޭ މަގުތަކުގައި ފެންބޮޑުވަނީ މާލޭ ފެން ހިންދާ ނިޒާމު ޤާއިމުކުރުމުގައި މާލޭގެ ޙާލަތު ރަނގަޅަށް ދެނެގަނެފައި ނުވާތީކަމަށް އެމްޑަބްލިއުއެސްސީން މީގެކުރިންވަނީ ބުނެފައެވެ.