ޤައުމީ ކެޕްޓަން އަލީ އަޝްފާޤް - ( ފޮޓޯ: އަޝްފާޤް ފޭސްބުކް )
ޤައުމީ ކެޕްޓަން އަޝްފާޤަށް އަނިޔާވެ، ލިވަޕޫލާއި
ދެކޮޅަށް ކުޅޭ މެޗުން ފުރުޞަތު ގެއްލިއްޖެއެވެ. މިމަހުގެ ސައުވީސް ވަނަ ދުވަހު
މެލޭޝިޔާގައި އިނގިރޭސި ޕްރިމިއަރ ލީގުގެ ލިވަޕޫލާއި ދެކޮޅަށް ކުޅޭ މެޗުން ދިވެހި
ޤައުމީ ކެޕްޓަން އަލީ އަޝްފާޤަށް ފުރުޞަތު ގެއްލުނީ ފަރިތަކުރުންތަކެއްގައި
ކަކުލަށް ލިބުނު އަނިޔާއެއްގެ ސަބަބުންނެވެ.
އެކަން އަޝްފާޤްގެ ރަސްމީ ފޭސްބުކް ޕޭޖް
މެދުވެރިކޮށް އޭނާ ވަނީ ޔަޤީންކޮށްދީފައެވެ. މިވަގުތު މާލޭގައި ހުރި އަޝްފާޤަށް
އަނިޔާވީވެސް މާލޭގައި ކުރި ފަރިތަކުރުންތަކެއްގައެވެ. މެލޭޝިޔާ އެގާރައާއި ލިވަޕޫލް
ވާދަކުރާ މެޗުގެ ސްކޮޑަށް އަޝްފާޤްއަށް ޖާގަ ދިނީ މެލޭޝިޔާގައި ކުޅޭ ބިދޭސީ ފަސް
ކުޅުންތެރިންގެ ތެރޭގައި ހިމަނައިގެންނެވެ.
އަޝްފާޤް ވަނީ އެޓީމްގައި ހިމެނިގެން
ޕްރިމިއަރ ލީގުގެ ޓޮޓްނަމްއާއި ދެކޮޅަށްވެސް ކުޅެފައެވެ.
ޚިޔާލު ފާޅުކުރުމަށް ކަނޑައެޅިފައިވާ ވަގުތު ހަމަވެއްޖެ، ޝުކުރިއްޔާ