ޗައިނާއިން ފެނިފައިވާ ކޮރޯނާވައިރަސް ތައިލެންޑުގައި އެކަކުގެ ގައިން އަނެކަކުގެ ގަޔަށް ފެތުރެން ފަށައިފިއެވެ.
ތައިލެންޑުގެ ސިއްޙަތާބެހޭ ވުޒާރާތަކުން ބުނީ އެޤައުމުގައި ކޮރޯނާވައިރަސް ޖެހިފައިވާ މީހުންގެ ޢަދަދު 19އަށް އަރާފައިވާކަމަށެވެ. އެއާއެކު ޗައިނާ ފިޔަވައި ކޮރޯނާވައިރަސް ޖެހިފައިވާ މީހުންގެ ޢަދަދު އެންމެ ގިނަ ޤައުމަކަށްވެފައިވަނީ ތައިލެންޑް މިވަނީ ވެފައެވެ. ތައިލެންޑުގެ ރޯގާ ފެތުރުން ހުއްޓުވުމާބެހޭ އިދާރާއިން ބުނީ އެޤައުމުގެ އެތެރޭގައި އެންމެ ފުރަތަމަ ކޮރޯނާވައިރަސް ޖެހުނު މީހަކީ ޓެކްސީ ޑްރައިވަރެއްކަމަށާއި އޭނާއަކީ ޗައިނާއަށް ދަތުރުކޮށްފައިވާ މީހަކަށް ނުވާތީ އޭނާއަށް ވައިރަސް ޖެހުނީ އެހެން މީހެއްގެ ފަރާތުންކަމަށެވެ.
ތައިލެންޑުގައި ކޮރޯނާވައިރަސް ޖެހުނު 19 މީހުންގެ ތެރެއިން 7 މީހުންވަނީ ރަގަޅުވެފައެވެ. އަދި އެޤައުމުގައި މިހާރު ފަރުވާ ދެމުންދަނީ 7 މީހަކަށެވެ. ޗައިނާގައި ކޮރޯނާވައިރަސް ޖެހިފައިވާ މީހުންގެ ޢަދަދުވަނީ 11،0000އަށްވުރެ މައްޗަށް އަރާފައެވެ. އޭގެ ތެރެއިން ގިނަ މީހުންތިބީ ކޮރޯނާވައިރަސް އެންމެ ފުރަތަމަ ފެނުނު ވުހާން ސިޓީއާއި އެސިޓީގެ ކައިރީގައިވާ އަވަށްތަކުގައެވެ.
ދުނިޔޭގެ އެހެން ޤައުމުތަކަށާއި އަދި ޗައިނާގެ އިތުރު ސަރަޙައްދުތަކަށް ވައިރަސް ފެތުރުނަނުދިނުމަށް ގިނަ ފިޔަވަޅުތަކެއް ޗައިނާއިންދަނީ އަޅަމުންނެވެ.