އައްޑޫސިޓީ ހިތަދޫ ޕޮލިސްޓޭޝަނުން ބަންދުގައި ބަހައްޓާފައި ހުއްޓައި ފިލި މީހާ ހޯދައި އޭނާ ފުލުހުންގެ ބެލުމުގެ ދަށަށް ގެނެސްފިއެވެ.
ފުލުހުން ބުނެފައިވަނީ މިއަދު މެންދުރުފަހުގެ ވަގުތެއްގައި އައްޑޫސިޓީ ހިތަދޫ ޕޮލިސް ސްޓޭޝަންގެ ބަންދުގައި ހުއްޓާ ފިލާފައިވަނީ އުމުރުން 34 އަހަރުގެ ދިވެހި ފިރިހެނެއްކަމަށެވެ. އަދި އޭނާ ހޯދުމަށް ފުލުހުން ކުރި މަސައްކަތުގައި މިހާރު އޭނާ ހޯދައި ހައްޔަރުކޮށްފައި ވާކަމަށެވެ.
އެމީހާއަކީ ވައްކަމުގެ މައްސަލައެއްގައި ހުކުމް ތަންފީޒުކުރުމަށްޓަކައި މާލެއަށް ފޮނުވުމަށް މިމަހުގެ 9 ވަނަ ދުވަހު ފުލުހުންގެ ބެލުމުގެ ދަށަށް ގެނައި މީހެއްކަމަށް ފުލުހުން ބުނެއެވެ. މިމައްސަލާއާ ގުޅޭ އިތުރު ތަފްސީލެއް އަދި ފިލި ކުއްވެރިޔާގެ ވަނަވަރެއް ފުލުހުން ހާމައެއް ނުކުރެއެވެ.
ޚިޔާލު ފާޅުކުރުމަށް ކަނޑައެޅިފައިވާ ވަގުތު ހަމަވެއްޖެ، ޝުކުރިއްޔާ