ވެއްޓުނު ކުއްޖާ ގޮވައިގެން ބަޔަކު ހޮސްޕިޓަކަށް ދަނީ. - ފޮޓޯ: ސޯޝަލް މީޑިއާ
ވެއްޓުނު ކުއްޖާ ގޮވައިގެން ބަޔަކު ހޮސްޕިޓަކަށް ދަނީ. - ފޮޓޯ: ސޯޝަލް މީޑިއާ
ޚާއްސަ އެހީއަށް ބޭނުންވާ، ޢުމުރުން 5 އަހަރުގެ ފިރިހެން ކުއްޖަކު ހެންވޭރު ޢިމާރާތަކުން ވެއްޓިއްޖެއެވެ.
ހ.ވައިޖެހޭ މަގުގައި ހުރި ގެއެއްގެ 4ވަނަ ފަންގި ފިލާއިން އެކުއްޖާ ވެއްޓުންކަމުގެ މަޢުލޫމާތު ލިބިފައިވާކަމަށް ފުލުހުންވަނީ ވިދާޅުވެއެވެ. މިކަމުގެ ރިޕޯޓް ފުލުހުންނަށް ލިބުނީ މިއަދު މެންދުރު ފަހު 14:30 ގައިކަމަށާ، އެކުއްޖާއަށް އޭޑީކޭ ހޮސްޕިޓަލްގައި ފަރުވާ ދެމުންދާކަމަށް ފުލުހުން ވިދާޅުވެއެވެ.
އޭޑީކޭ ހޮސްޕިޓަލުން ވިދާޅުވީ އެކުއްޖާގެ ޙާލަތު ވިދާޅުވާން އެނގޭނީ މެޑިކަލް ރިޕޯޓަށް ލިބުމުންކަމަށެވެ.
މި މައްސަލައާއި ގުޅިގެން ފުލުހުން ބަލަންޖެހޭ ކަންކަން ފުލުހުން މިހާރު ދަނީ ބަލަމުންނެވެ.
ޚިޔާލު ފާޅުކުރުމަށް ކަނޑައެޅިފައިވާ ވަގުތު ހަމަވެއްޖެ، ޝުކުރިއްޔާ