މިމަހުގެ 7 ވަނަ ދުވަހުގެ ނިޔަލަށް ދައުލަތަށް އާމްދަނީގެ ގޮތުގައި 20 ބިލިއަން ރުފިޔާގެ ލިބިފައިވާކަމަށް ފިނޭންސް މިނިސްޓްރީގެ ތަފާސް ހިސާބުތަކުން ދައްކައިފިއެވެ.
ފިނޭންސް މިނިސްޓްރީން އާއްމުކޮށްފައިވާ ތަފާސް ހިސާބުތަކަށް ބަލާއިރު މިމަހުގެ 7 ވަނަ ދުވަހުގެ ނިޔަލަށް ދައުލަތަށް އާމްދަނީގެ ގޮތުގައި 20 ބިލިއަން ރުފިޔާ ލިބިފައިވާއިރު، މީގެ ތެރެއިން އެންމެ ގިނައި ޓެކްސްގެ ގޮތުގައި ދައުލަތަށް ލިބުނު އާމްދަނީއެވެ. އެގޮތުން މިމަހުގެ 7 ވަނަ ދުވަހުގެ ނިޔަލަށް ޓެކްސްގެ ގޮތުގައި ދައުލަތަށް 14 ބިލިއަން ރުފިޔާ ލިބިފައިވެއެވެ. އަދި ޓެކްސް ނޫން އާމްދަނީގެ ގޮތުގައި ލިބިފައިވަނީ 5 ބިލިއަން ރުފިޔާއެވެ. އެހީގޮތުގައި ލިބުނު އާމްދަނީ އުޅެނީ ބިލިއަނެއްހާ ރުފިޔާގައެވެ.
ޓެކްސްގެ ގޮތުގައި ދައުލަތަށް 14 ބިލިއަން ރުފިޔާ ލިބިފައިވާއިރު، އޭގެ ތެރެއިން 6.4 ބިލިއަން ރުފިޔާއަކީ މުދަލާއި ޙިދުމަތުގެ އަގުން ނެގި ޓެކްސްއެެވެ. ވިޔަފާރީ ފައިދާގެ ގޮތުގައި 3.3 ބިލިއަން ރުފިޔާ ލިބިފައިވާއިރު އިމްޕޯޓް ޑިއުޓީގެ ގޮތުގައި 2.7 ބިލިއަން ރުފިޔާ ލިބިފައިވެއެވެ. ގްރީން ޓެކްސްގެ ގޮތުގައި 707 މިލިއަން ރުފިޔާ ލިބިފައިވާއިރު އެއަރޕޯޓް ސަރވިސް ޗާޖުގެ ގޮތުގައި 602 މިލިއަން ރުފިޔާ ލިބިފައިވެއެވެ. އަދި ރެމިޓަންސް ޓެކްސްގެ ގޮތުގައި 86.4 މިލިއަން ރުފިޔާ ދައުލަތަށް ލިބިފައިވެއެވެ.
މިމަހުގެ 7 ވަނަ ދުވަހުގެ ނިޔަލަށް ދައުލަތަށް އާމްދަނީގެ ގޮތުގައި 20 ބިލިއަން ރުފިޔާ ލިބިފައިވާއިރު، ދައުލަތުގެ ޚަރަދު އުޅެނީ 21،8 ބިލިއަން ރުފިޔާގައެވެ. އޭގެ ތެރެއިން 16.4 ބިލިއަން ރުފިޔާއަކީ ރިކަރަންޓް ނުވަތަ ސަރުކާރު ހިންގުމުގެ ޚަރަދެވެ. އަދި ކެޕިޓަލް ނުވަތަ ތަރައްޤީއަށް ކުރެވުނު ޚަރަދު އުޅެނީ 5.3 ބިލިއަން ރުފިޔާގައެވެ.